| e-texts navigator |
| Wylie |
371a1 བའི་ནམ་མཁའ་བཞིན། །འཇིག་རྟེན་མགོན་པོའི་གོ་འཕང་འགྲོ། །ཞེས་པ་ནི་དཔལ་པདྨ་འབར་བའི་རྒྱུད་ཆེན་པོ་ལས་བྱུང་བ་རིགས་ཀྱི་འཇིག་རྟེན་མགོན
371a2 པོ་ལྔ་བཅུ་པ་རྫོགས་སོ། ། །།པཎྜི་ཏ་ཆེན་པོ་བི་མ་ལ་ཤྲཱི་བྷ་དྲའི་ཞལ་སྔ་ནས། བྱང་ཆུབ་རིན་ཆེན་གྱིས་བསྐུལ་ནས། ཤུད་ཀེ་གྲགས་པ་རྒྱལ་མཚན་གྱིས
371a3 དཔལ་ས་སྐྱའི་གཙུག་ལག་ཁང་ཆེན་པོར་བསྒྱུར་བའོ། ། །།རྒྱ་གར་སྐད་དུ། ཡ་ཐཱ་ལ་བྡྷ་ཁ་ས་མ་ཏནྟྲ་ནཱ་མ། བོད་སྐད་དུ། ཇི་བཞིན་བརྙེས་པ
371a4 ནམ་མཁའ་དང་མཉམ་པ་ཞེས་བྱ་བའི་རྒྱུད། བཅོམ་ལྡན་འདས་རྡོ་རྗེ་སེམས་དཔའ་ལ་ཕྱག་འཚལ་ལོ། །གང་ཞིག་སངས་རྒྱས་ལྔ་ཡི་ཅོད་པན་ཅན། །ས་གསུམ་ཀུན་གྱི་སྙིང་པོ
371a5 དང་ལྡན་པ། །དཔལ་ལྡན་དང་པོའི་སངས་རྒྱས་ངོ་བོ་མཛད། །དེ་ནི་མཁའ་དང་མཉམ་པར་སྤྱོད་པའོ། །གལ་ཏེ་དེ་འདྲའི་ངོ་བོར་སེམས་དག་པ། །བྱིས་པ་འདི་ནི་དོན་དམ་སྒོམ་པ
371a6 ཡིན། །སངས་རྒྱས་རྣམས་ཀྱིས་རང་བཞིན་མཐོང་མིན་ཏེ། །སངས་རྒྱས་དང་ནི་རྡོ་རྗེ་འཛིན་པ་དང་། །རིན་ཆེན་ཏོག་དང་པད་ལྡན་འཇུག་པ་སྟེ། །ལྷ་དེ་རྣམས་ཀྱི་རང་བཞིན་ཡོད་མ
371a7 ཡིན། །དང་པོའི་སངས་རྒྱས་ནམ་མཁའི་རང་བཞིན་ནོ། །དང་པོའི་ཆོས་ལས་དེ་རྣམས་འབྱུང་བ་སྟེ། །མཁའ་དང་ལྷན་ཅིག་སེམས་ཅན་ཁམས་རྣམས་ཀྱང་། །གཞུག་རྣམས་སུ་ནི
iiif viewer powered by OpenSeadragon
