| e-texts navigator |
| Wylie |
368a1 འཚལ་ལོ། །དེ་ནས་འདི་ནི་མཆོག་ཏུ་གསང་། །འཇིག་རྟེན་ཡང་དག་རྨོངས་པའི་མཆོག་།རིགས་དང་རིགས་བྱུང་མངོན་བརྗོད་པས། །གཉིས་མོད
368a2 སྔགས་ནི་རབ་བཤད་བྱ། །དམ་ཚིག་སྤྱོད་པ་ངེས་པར་གྲོལ། །བྱ་བ་དུས་ཚོད་རྣམ་པར་སྤངས། །དེ་ཉིད་གསུམ་ལྡན་ཡང་དག་ལྷ། །འཇིག་རྟེན་མགོན་པོ་འགྲོ་བའི་བདག་།འདོད
368a3 པའི་དབང་ཕྱུག་འདོད་པའི་ལྷ། །མཐོང་དང་མ་མཐོང་འབྲས་རབ་སྟེར། །དེ་འདིར་སྔགས་ནི་མཚུངས་མེད་པ། །བླ་མའི་ཞལ་ལ་རྣམ་པར་གནས། །དྲག་ཆེན་འཇིགས་བྱེད་ལུས་ལ
368a4 ནི། །ལྔ་པའི་ཐིག་ལེ་དང་བཅས་ཤིང་། །རྣམ་གཅོད་དང་པོ་ཡང་དག་ལྡན། །ཆེན་པོ་ལྔ་པའི་ལྔ་པས་བརྒྱན། །ལྕེ་གཉིས་ཡན་ལག་མེད་གཉིས་གནས། །ལུས་གསུམ་གྱིས་ནི
368a5 སྔགས་མཆོག་ལ། །ཡི་གེ་རྣམས་ཀྱི་བསྡུ་བ་ལས། །མཚན་ཉིད་ཆོ་ག་བཞིན་དུ་བཟླས། །འདི་ཡི་རྗེས་དྲན་སྔགས་པ་ཡིས། །གཙང་ངམ་ཡང་ན་མི་གཙང་རུང་། །ལྷ་བཞིན་མཐོང་བ
368a6 ལྷ་རྣམས་ཀྱིས། །དེ་ཡི་ལྷ་མོ་འདོད་ལྷ་བཞིན། །འདི་བཞིན་སྔགས་ཀྱི་འདོད་ལྷ་ཡི། །བྱ་བ་མེད་ཅིང་བསྒྲུབ་པའང་མེད། །མཆོད་མེད་མེ་ལ་སྦྱིན་སྲེག་མེད། །རྣལ་འབྱོར་ལྡན་དང་ཡང
368a7 དག་ལྡན། །དུས་ཚོད་རྣམས་ལས་རྣམ་ངེས་གྲོལ། །རྩེ་གཅིག་སེམས་ནི་གཡོ་མི་བྱེད། །སྒྲིབ་པ་དང་བྲལ་མཚུངས་པ་ཡི། །མཆོག་གི་བསམ་གཏན་ཡང་དག་སྦྱར། །རིགས་ཀྱི་འཇིག
iiif viewer powered by OpenSeadragon
