| e-texts navigator |
| Wylie |
42a1 ཀྱི་རིགས་དང་། གསང་སྔགས་ཀྱི་སྤྱོད་པ་དང་། དཀྱིལ་འཁོར་གྱི་རྟོག་པ་དང་། གསང་བའི་དབང་བསྐུར་བ་དང་། ཕྱག་རྒྱ་དང་། རས་རིས་ཀྱི་ཆོ་ག
42a2 དང་། སྦྱིན་སྲེག་དང་། བཟླས་པའི་ངེས་པར་བསམ་པ་ཐམས་ཅད་ཡོངས་སུ་རྫོགས་པར་བྱེད་པ། སེམས་ཅན་ཐམས་ཅད་ཀུན་ནས་དགའ་བར་བྱེད་པ། རིན་པོ་ཆེ
42a3 སྣང་བའི་ལེའུ་རབ་འབྱམས། འདས་པ་དང་། མ་འོངས་པ་དང་། ད་ལྟར་བྱུང་བའི་ཡེ་ཤེས་རྣམས་ཀྱིས་རང་གི་རིག་སྔགས་དང་། གསང་སྔགས་ལ་འཇུག་པར་བྱེད་པ་སྟོན
42a4 པ། མཐར་ཐུག་པར་ཟིན་པ་དང་། ནང་གི་དུས་དང་ལྡན་པ་དང་། དམ་ཚིག་རབ་འབྱམས་ཀྱི་ལེའུ་དང་། འཇིག་རྟེན་དང་། འཇིག་རྟེན་ལས་འདས་པ་མཐའ་དག་མ་ལུས་པར
42a5 བསྡུས་པ། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་དང་། འཕགས་པ་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའི་ས་ལ་བཞུགས་པ
42a6 དང་། སྤྱོད་པ་མཐར་ཐུག་པ་གསུང་བ་དང་ལྡན་པ་དག་གསུངས་པ་ལའང་འདི་ལ་རྗེས་སུ་ཡི་རང་བ་ཁོ་ནའོ། །སེམས་དཔའ་ཆེན་པོ། ད་ལྟ་དེའི་དུས་ལ་བབ་པར་ཤེས་ན་ཁྱོད
42a7 སོང་ཞིག། ཤཱཀྱ་ཐུབ་པའི་དྲུང་དུ་དེ་ལ་མངོན་དུ་ཕྱོགས་པས་དམ་པའི་ཆོས་ཀྱི་རྣམ་གྲངས་འདི་ཉོན་ལ་ཁྱོད་ཀྱང་སྨྲ་བར་འགྱུར་རོ། །འདི་ལའང་རྩ་བའི་རིག་སྔགས་སུ་འགྱུར
iiif viewer powered by OpenSeadragon
