| e-texts navigator |
| Wylie |
40a1 ལེགས་སོ་ཞེས་སོ། །དེ་ནས་གཙང་མའི་རིས་ཀྱི་ལྷའི་བུ་དེ་རྣམས་ཐལ་མོ་སྦྱར་བ་བཏུད་ནས་འདི་སྐད་ཅེས་གསོལ་ཏོ། །བཅོམ་ལྡན་འདས། བྱང་ཆུབ
40a2 སེམས་དཔའ་སེམས་དཔའ་ཆེན་པོ་རྣམས་ཀྱིས་སྤྱོད་པ་ཏིང་ངེ་འཛིན་གྱི་ཁྱད་པར་སོ་སོར་ཐོབ་བར་བྱེད་པ། རྡོ་རྗེའི་གདན་གནོན་པར་བྱེད་པ། བདུད་འདུལ་བར་བྱེད
40a3 པ། ཆོས་ཀྱི་འཁོར་ལོ་རབ་ཏུ་སྐོར་བར་བྱེད་པ། ཉན་ཐོས་དང་། རང་སངས་རྒྱལ་ཐམས་ཅད་ངེས་པར་འབྱུང་བར་བྱེད་པ། ལྷ་དང་། མི་རྣམས་སུ་སྐྱེ་བར་བྱེད་པ། སྡུག་བསྔལ
40a4 ཐམས་ཅད་རབ་ཏུ་ཞི་བར་བྱེད་པ། དབུལ་བ་དང་། ནད་ཀྱིས་བཏབ་པ་ཐམས་ཅད་ཀྱི་ནད་སེལ་བར་བྱེད་པ་ཉིད་དང་། འཇིག་རྟེན་དང་། འཇིག་རྟེན་ལས་འདས་པ་ཐམས
40a5 ཅད་ཀྱི་རིག་སྔགས་དང་། གསང་སྔགས་ཀྱི་སྤྱོད་པ་ཟིལ་གྱིས་མི་ནོན་པ་ཉིད་དང་། བསམ་པ་ཐམས་ཅད་ཡོངས་སུ་རྫོགས་པར་བྱེད་པ་དེ་གསུང་དུ་གསོལ། དེ
40a6 བཞིན་གཤེགས་པ་རྣམས་ཐམས་ཅད་དོན་མེད་པར་གསུངས་པར་བྱེད་པ་མ་ལགས་ན། བཅོམ་ལྡན་འདས། བྱམས་པའི་སེམས་དང་། བདག་ཅག་དང་།
40a7 སེམས་ཅན་ཐམས་ཅད་ལ་རྗེས་སུ་བརྩེ་བ་ཉེ་བར་བཟུང་ནས་དེ་གསུང་དུ་གསོལ། དེ་ནས་བཅོམ་ལྡན་འདས་ཤཱཀྱ་ཐུབ་པས་ཐམས་ཅད་དང་ལྡན་པའི་འཁོར་གྱི་དཀྱིལ
iiif viewer powered by OpenSeadragon
