| e-texts navigator |
| Wylie |
39b1 ལེའུ་རབ་འབྱམས་ལས། བཅོམ་ལྡན་འདས་མ་འཕགས་མ་སྒྲོལ་མའི་རྩ་བའི་རྟོག་པ་ཞེས་བྱ་བ། འཕགས་པ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །འདི་སྐད
39b2 བདག་གིས་ཐོས་པ་དུས་གཅིག་ན། བཅོམ་ལྡན་འདས་སྒྲོལ་མའི་གྲུའི་སྟེང་གི་ནམ་མཁའི་མཐིལ་ན་རབ་ཏུ་བཞུགས་ཏེ། ངོ་མཚར་རྨད་དུ་བྱུང་བ་བསམ་གྱིས་མི་ཁྱབ
39b3 པས་རབ་ཏུ་ཕྱེ་བའི་བྱང་ཆུབ་སེམས་དཔའ་འདུས་པའི་དཀྱིལ་འཁོར་དང་ལྡན་པར་བཞུགས་སོ། །དེ་ནས་བཅོམ་ལྡན་འདས་ཀྱིས་གནས་གཙང་མའི་རིགས་ཀྱི་ལྷའི་བུ་རྣམས
39b4 ལ་བཀའ་སྩལ་པ། ལྷའི་བུ། ཁྱེད་རྣམས་ཉོན་ཅིག་།བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གི་རྨད་དུ་བྱུང་བ་བསམ་གྱིས་མི་ཁྱབ
39b5 པའི་ཆོ་འཕྲུལ་གྱི་སྤྱོད་པ་ཏིང་ངེ་འཛིན་དང་། རྫུ་འཕྲུལ་གྱི་ཁྱད་པར་རྣམ་པར་ཐར་པའི་དཀྱིལ་འཁོར་བྱང་ཆུབ་སེམས་དཔའི་རྣམ་པར་འཕྲུལ་པ་སེམས་ཅན་ཐམས
39b6 ཅད་ཉེ་བར་འཚོ་བར་བྱེད་པ་དང་། ཚེ་དང་། ནད་མེད་པ་དང་། དབང་ཕྱུག་དང་། ཡིད་ཀྱི་ཤིང་རྟ་ཡོངས་སུ་རྫོགས་པར་བྱེད་པའི་རིག་སྔགས་དང་། གསང་སྔགས་ཀྱི་གཞི།
39b7 སེམས་ཅན་ཐམས་ཅད་ལ་ཕན་པའི་ཆེད་དུ་བཤད་ཀྱིས། དེ་ལེགས་པར་ཉོན་ལ་ལེགས་པར་ཡིད་ལ་གྱིས་ཤིག་།ངས་བཤད་དོ། །དེ་ནས་བཅོམ་ལྡན་འདས་ལ
iiif viewer powered by OpenSeadragon
