| e-texts navigator |
| Wylie |
38b1 འབྱུང་པོ་དང་། ཤ་ཟ་དང་། གྲུལ་བུམ་དང་། ལུས་སྲུལ་པོ་རྣམས་དབང་དུ་འགྱུར་རོ། །དྲན་པ་ཙམ་གྱིས་མདུན་དུ་འདུག་པར་འགྱུར་རོ། །རྐང་བཞི་པ་ལ་སོགས་པའི་སེམས
38b2 ཅན་ཤི་བ་རབ་ཏུ་ཞི་བར་བྱེད་པ་དང་། ས་འོག་ཏུ་འཇུག་པ་དང་། ནམ་མཁའ་ལ་འགྲོ་བ་དང་། ས་འོག་གི་འཁྲུལ་འཁོར་རབ་ཏུ་འཇིག་པ་དང་། ཆུ་རེངས་པ་དང་། བཅུད
38b3 ལེན་དང་། ཚར་བཅད་པ་དང་། རྗེས་སུ་བཟུང་བ་བརྒྱད་པོ་འདི་རྣམས་ལས་དེའི་མདུན་དུ་གང་ན་གང་གཅིག་བླང་བར་བྱའོ། །དེས་གང་ཅི་འདོད་པ་དེ་སྟེར་བར་འགྱུར་རོ། །
38b4 པདྨ་མར་དང་། སྦྲང་རྩིས་བྱུགས་ནས་འབུམ་དུ་སྦྱིན་སྲེག་བྱས་ན་པདྨ་རཱ་ཀའི་ནོར་བུ་རྙེད་པར་འགྱུར་རོ། །དེ་ལྟར་ཨུཏྤ་ལ་སྔོན་པོ་དང་། ཀུ་མུ་ད་རྣམས་དྲི་ཞིམ་པོ་དང་ལྡན
38b5 པས་ཁ་དོག་སྣ་ཚོགས་པའི་ནོར་བུ་རིན་པོ་ཆེ་རྙེད་པར་འགྱུར་རོ། །ཡུངས་ཀར་དཀར་པོ་མར་དང་། སྦྲང་རྩིས་བྱུགས་ལ་གང་གི་མིང་ནས་བཟུང་ནས་སྦྱིན་སྲེག་བྱས་ན་མཚན
38b6 མོ་བདུན་གྱིས་དབང་དུ་འགྱུར་རོ། །ཏིལ་ནག་པོ་ལ་མར་དང་། སྦྲང་རྩིས་སྦགས་ལ་འབུམ་དུ་སྦྱིན་སྲེག་བྱས་ན་ནོར་ཉེ་བར་འཕེལ་བར་འགྱུར་རོ། །རྒའི་ཤིང་ལ
38b7 མེ་བཏང་ལ་སྟོང་ཕྲག་བརྒྱད་དུ་སྦྱིན་སྲེག་བྱས་ན་ཉི་མ་བདུན་གྱིས་ནད་ཞི་བར་འགྱུར་རོ། །དཀར་པོའི་ཚེས་གཅིག་ནས་བརྩམས་ནས་ཤ་ཏ་པུཥྤ་དང་། ཀུན་ད་དང་། ཏ་ཀ་ར
iiif viewer powered by OpenSeadragon
