| e-texts navigator |
| Wylie |
37b1 དང་། ཀུན་ད་དང་། ཙནྡན་དཀར་པོ་དང་། དུ་རུ་སྐ་ལ་སོགས་པ་དེ་རྣམས་རེ་རེ་འབུམ་དུ་སྦྱིན་སྲེག་བྱས་ན་དོང་ཙེ་སྟོང་ཕྲག་རྙེད་པར་འགྱུར་རོ། །ཏིལ་དང་། འབྲས་ཀྱི་སྦྱིན
37b2 སྲེག་བྱས་ན་རྒྱལ་པོ་དབང་དུ་འགྱུར་རོ། །ཉེའུ་ཇི་ལྟར་འཚོང་པ་ཉོས་ལ་ཆུ་བོའི་གཞུང་ལ་ལྟེ་བ་ནུབ་ཙམ་དུ་ཆུའི་ནང་དུ་ཞུགས་ནས་ཁ་ཤར་དུ་བལྟས་ཏེ་སྦྱིན་སྲེག་བརྒྱ
37b3 བྱས་ན་སུམ་འགྱུར་གྱི་དོང་ཙེ་རྙེད་པར་འགྱུར་རོ། །རས་བལ་གྱི་ས་བོན་ལ་མར་དང་། སྦྲང་རྩིས་བྱུགས་ནས་སྟོང་ཕྲག་གཅིག་སྦྱིན་སྲེག་བྱས་ན་ཉི་མ་བདུན་གྱི་བར་ལ་རས
37b4 གཅིག་རྙེད་པར་འགྱུར་རོ། །རྟག་ཏུ་བཟླས་ན་གོས་དང་། བཟའ་བ་རྙེད་པར་འགྱུར་རོ། །འབུམ་བཟླས་ན་དོང་ཙེ་ལྔ་སྟོང་རྙེད་པར་འགྱུར་རོ། །འབུམ་ཚོ་གཉིས་བཟླས་ན
37b5 གྲོང་རྙེད་པར་འགྱུར་རོ། །འབུམ་ཚོ་གསུམ་བཟླས་ན་ལོངས་སྤྱོད་ཆེན་པོ་རྙེད་པར་འགྱུར་ཞིང་གྲོང་བརྒྱད་ཀྱི་བདག་པོར་འགྱུར་རོ། །བེའུའི་ལྕི་བ་ལ་སྦྱིན་སྲེག་སྟོང
37b6 བྱས་ན་བ་གླང་སྟོང་རྙེད་པར་འགྱུར་རོ། །གཞན་ཡང་། དུད་འགྲོ་རྣམས་ཀྱི་ལུས་ལ་ཞོ་དང་། སྦྲང་རྩིས་སྦགས་ལ་ཉིན་རེ་བཞིན་སྦྱིན་སྲེག་བྱས་ན་ར་ལུག་ལ་སོགས
37b7 པ་རྙེད་པར་འགྱུར་རོ། །བ་ལང་གི་ལྷས་ཀྱི་ནང་དུ་ཀུ་ཤའི་མེ་ཏོག་མར་དང་། སྦྲང་རྩིས་སྦགས་ལ་ཉིན་རེ་བཞིན་སྦྱིན་སྲེག་བྱས་ན་འབྱུང་པོ་དང་། ཤ་ཟ་དབང་དུ
iiif viewer powered by OpenSeadragon
