| e-texts navigator |
| Wylie |
36b1 སྤྲུལ་ཞིང་འོངས་ནས་ཐོ་རངས་ཀྱི་དུས་སུ་འགྲོ་བར་འགྱུར་རོ། །དེ་ཉིད་ཀྱི་ཚེ་ལོ་སྟོང་དུ་འགྱུར་རོ། །རྒྱ་མཚོའི་འགྲམ་དུ་ནོར་བུ་བཟང་པོའི་གཟུགས་བརྙན་བཞག་སྟེ
36b2 བ་སོད་སྙོམས་ཟ་ཞིང་འབུམ་ཕྲག་གསུམ་བཟླས་ནས་དཀར་པོའི་ཕྱོགས་ཀྱི་ཚེས་ལྔ་ལ་ཐུག་པར་ནུབ་གསུམ་དུ་སྨྱུང་བར་གནས་པས་རྒྱ་མཚོ་ཆེན་པོ་དང་ཉེ་བར་ཕྱིན
36b3 ནས་ཅི་སྲིད་རྒྱ་མཚོ་ཆེན་པོ་རང་འོང་བ་དེ་སྲིད་ཀྱི་བར་དུ་བཟླས་པ་བྱའོ། །མདུན་དུ་རྒྱ་མཚོ་ཆེན་པོ་རང་འོང་བ་དེ་ལ་དྲི་དང་། མེ་ཏོག་གི་མཆོད་པ་ཕུལ་ལ
36b4 ཨ་ག་རུའི་བདུག་པས་བདུགས་ལ། ཀྱེ། རིག་པ་འཛིན་པ། མཆོག་གང་འདོད་པ་རབ་ཏུ་སྦྱིན་པར་སྨྲའོ། །དེས་སྨྲས་པ། རྒྱ་མཚོ་ཆེན་པོར་ང་ཐོགས་པ་མེད
36b5 པར་འགྲོ་བར་གྱིས། དེ་ལྟར་བྱ་ཟེར་ནས་མི་སྣང་བར་འགྱུར་རོ། །དེ་ནས་རྒྱ་མཚོ་ལ་ཞུགས་ན་རྒྱ་མཚོ་ན་ཡོད་པའི་ནོར་བུ་རིན་པོ་ཆེ་བླངས་ནས་འབྱུང་བར་འགྱུར
36b6 རོ། །རྒྱ་མཚོ་ན་ཡོད་པའི་ཀླུ་རྣམས་ཀྱང་དབང་དུ་འགྱུར་རོ་ཞེས་བཅོམ་ལྡན་འདས་དེ་བཞིན་གཤེགས་པས་བཀའ་སྩལ་ཏོ། །དེ་ནས་བཅོམ་ལྡན་འདས་དེ
36b7 བཞིན་གཤེགས་པས་ཡང་གནོད་སྦྱིན་གྱི་དབང་པོ་དབྱངས་སྙན་གྱི་སྔགས་གསུངས་པ། ན་མོ་རཏྣ་ཏྲ་ཡཱ་ཡ། ན་མོ་མ་ཎི་བྷ་དྲཱ་ཡ། མཧཱ་ཡཀྵ་སེ་ནཱ་བ་ཏ་ཡེ།
iiif viewer powered by OpenSeadragon
