| e-texts navigator |
| Wylie |
36a1 བཞག་ནས་འོ་མ་དང་། འོ་ཐུག་ཟ་ཞིང་དུས་གསུམ་དུ་ཁྲུས་བྱེད་ཅིང་འབུམ་ཕྲག་གསུམ་དུ་བཟླས་ནས་དེ་ནས་དཀར་པོའི་ཕྱོགས་ཀྱི
36a2 ཉ་ལ་ཐུག་པའི་མཚན་མོ་གསུམ་དུ་སྨྱུང་བར་གནས་ནས་ནོར་བུ་བཟང་པོ་ལ་རྒྱ་ཆེ་བའི་མཆོད་པ་བྱས་པ་དང་། གཏོར་མའི་ཆོ་ག་རྒྱ་ཆེ་བ་བྱས་ནས་ཀུ་ཤའི་ཆུན
36a3 པོ་དག་བྱིན་ནས་ཇི་སྲིད་སྒྲ་གྲགས་པ་དེ་སྲིད་དུ་བཟླས་པ་བྱའོ། །དེ་ནས་དེ་མ་ཐག་ཏུ་གནོད་སྦྱིན་ཐམས་ཅད་ཉེ་བར་འོངས་ནས་དེ་རྣམས་ལ་མེ་ཏོག་དམར་པོ
36a4 དང་། དྲི་དམར་པོ་དང་། ཨརྒ་སྦྱིན་པར་བྱའོ། །དུ་རུ་སྐའི་བདུག་པའང་བདུག་པར་བྱའོ། །དེ་ནས་གནོད་སྦྱིན་དེས་ལེགས་སོ་ཞེས་བྱ་བ་བྱིན་ནས་སྨྲས་པ།
36a5 ངས་ཁྱོད་ལ་ཅི་བྱེད་ཅེས་ཟེར་བ་དང་། དེ་ནས་དེ་ལ་སྨྲས་པ་དང་། ཉིན་རེ་བཞིན་མངག་གཞུག་རབ་ཏུ་བྱིན་ཅིག་།དེ་ལྟར་བྱའོ་ཞེས་ཟེར་ནས་མི་སྣང་བར་འགྱུར
36a6 རོ། །དེ་ལ་སོགས་པ་བསམ་གཏན་ཙམ་གྱིས་གནས་པ་ལ་མ་མཐོང་བར་འཁོར་གྱིས་བསྐོར་ནས་གནས་སོ། །གང་དང་། གང་འདོད་པ་དེ་དང་། དེར་ཁང་པ
36a7 བརྩེགས་པ་དང་། ལྷའི་བཞོན་པ་སྤྲུལ་ཏེ་སྟོང་ཕྲག་གཅིག་དང་བཅས་པ་ལ་རབ་ཏུ་འདོད་པའི་ཟས་རྣམས་སྟེར་བར་འགྱུར་རོ། །ཉིན་རེ་བཞིན་དུ་གནོད་སྦྱིན་མོར
iiif viewer powered by OpenSeadragon
