| e-texts navigator |
| Wylie |
35b1 སྲིད་དུ་བཟླས་པ་དེ་སྲིད་དུ་གཡོ་བར་འགྱུར་རོ། །དེ་ནས་ཉིན་རེ་བཞིན་དུ་དོང་ཙེ་ལྔ་ལྔ་རེ་སྟེར་བར་འགྱུར་རོ། །ལྷག་མ་མེད་པར་ཟད་པར་བྱའོ། །དུར་ཁྲོད་ཆེན་པོར་ཕྱིན
35b2 ན་ཨས་དུར་ཁྲོད་ཀྱི་ཐལ་བ་ལ་མཆོད་རྟེན་བྱས་ཏེ་བསོད་སྙོམས་ཟ་ཞིང་དུས་གསུམ་དུ་ཁྲུས་བྱས་ནས་འབུམ་ཕྲག་གསུམ་བཟླས་ལ་ནག་པོའི་ཕྱོགས་ཀྱི་བཅུ་བཞི
35b3 ལ་མཚན་མོ་སྨྱུང་བར་གནས་པས་བཅོམ་ལྡན་འདས་ལ་རྒྱ་ཆེ་བའི་མཆོད་པ་བྱས་ནས་ལྷག་མ་མེད་པར་རབ་ཏུ་ཟད་པར་བྱའོ། །དུར་ཁྲོད་ཆེན་པོར་ནོར་བུ་བཟང་པོ
35b4 ལ་ཤ་ཏ་པུཥྤ་ཕུལ་ལ་ཨ་ག་རུ་དང་། དུ་རུ་སྐ་བསྲེས་པའི་བདུག་པ་ཕུལ་ཏེ་གདོང་ཕྱིན་ཅི་ལོག་ཏུ་བཞག་ནས་ཇི་སྲིད་མཚན་ཕྱེད་པ་དེ་སྲིད་དུ་བཟླས་སོ། །དེ་ནས
35b5 ཤ་ཟའི་བདག་པོ་རང་འོངས་པ་དང་། སྔར་བཞག་པའི་གཏོར་མ་ཕུལ་ལ་འཁོར་རྣམས་ལ་ཆང་ཡང་དབུལ། དེ་ནས་སྒྲུབ་པ་པོས་གསོལ་བ་གདབ་པར་བྱའོ། །དེ
35b6 ནས་དེང་མགུའོ་ཞེས་སྨྲའོ། །སྒྲུབ་པ་པོས་སྨྲས་པ། ཉི་མ་རེ་རེ་གཡོག་རེ་རེ་བྱིན་ཅིག་།དེ་ལྟར་བྱའོ་ཞེས་ཟེར་ནས་མི་སྣང་བར་འགྱུར་རོ། །དེ་ནས་མངགས་གཞུག་པ་ལ
35b7 སོགས་པར་རབ་ཏུ་སྦྱིན་ནོ། །གཞན་ཡང་། དེ་བཞིན་གཤེགས་པས་ལས་ཀྱི་ཚོགས་བྱ་བ་གསུངས་པ། རིའི་རྩེ་མོར་འཛེགས་ཏེ་ཁྲུ་གང་ཙམ་གྱི་ནོར་བུ་བཟང་པོ
iiif viewer powered by OpenSeadragon
