| e-texts navigator |
| Wylie |
402a1 སྔགས་འགྲུབ་པར་འགྱུར་རོ། །བགེགས་ཐམས་ཅད་བཅིངས་པར་འགྱུར་རོ། །གང་ན་ཚོགས་ཀྱི་བདག་པོ་སྣང་བ་དེར་སྔགས་འདི་ལན་གཅིག་བཀླགས
402a2 ན་ཡང་བགེགས་རྣམས་བར་ཆད་མི་བྱེད་དོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་འཁོར་དེ་དག་ཐམས་ཅད་དགའ་སྟེ་ལྷ་དང་། མི་དང་། ལྷ་མ་ཡིན་དང་། དྲི
402a3 ཟར་བཅས་པའི་འཇིག་རྟེན་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་བགེགས་སེལ་བ་ཞེས་བྱ་བའི་གཟུངས་རྫོགས་སོ།། །།
402a4 གུ་གུལ་སེར་པོ་དང་། ཕ་ཝཾ་གི་རྟུག་པ་ཀུན་ལ་བསྐུ་བའི་རྟུག་པ་སྦྱར་བའི་དུ་བས་བདུགས་ན་འགོ་བའི་ནད་པའི་གན་དུ་ཕྱིན་ཡང་མི་ཚུགས། གོས་པ་ལ་ཐུག་ན་མྱུར་དུ་སེལ། ཁྱིམ་དུ
402a5 འབྱུང་པོ་གནོད་པ་དག་ལ་རབ་ཏུ་བསྔགས་སོ། ། །།རྒྱ་གར་སྐད་དུ། མཧཱ་ཡ་ཀྵ་སེ་ན་པ་ཏ་ཡེ་ན་ར་ཀུ་པ་ར་ཀལྤ། བོད་སྐད་དུ། གནོད་སྦྱིན་གྱི་སྡེ་དཔོན་ཆེན་པོ་གར
402a6 མཁན་མཆོག་གི་བརྟག་པ། དཀོན་མཆོག་གསུམ་ལ་ཕྱག་འཚལ་ལོ། །དཔལ་ཕྱག་ན་རྡོ་རྗེ་ལ་ཕྱག་འཚལ་ལོ། །གནོད་སྦྱིན་བདག་པོ་ཉི་མ་འབུམ་གྱི་གཟི། །འོད་ཟེར་དཔག
402a7 མེད་སྡང་བ་འདུལ་མཛད་པ། །ཐུགས་རྗེའི་བདག་ཉིད་འགྲོ་དོན་མ་ལུས་མཛད། །བདུད་བཞི་འཇོམས་མཛད་དེ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན།
iiif viewer powered by OpenSeadragon
