| e-texts navigator |
| Wylie |
59a1 @#། །བྱུང་བའི་སྒྲོལ་མ་ལྗང་གུ་ཕྱག་གཉིས་པ། གཡས་ན་གདུགས་འཛིན་པ། གཡོན་ན་སྡོང་བུ་དང་བཅས་པའི་ཨུཏྤ་ལ་འཛིན་པ། མཛེས་པའི
59a2 སྐུ་རིན་པོ་ཆེའི་དོ་ཤལ་དང་། སྙན་ཆ་དང་། དཔུང་རྒྱན་དང་། རྒྱན་རྣམ་པ་སྣ་ཚོགས་པས་བརྒྱན་པ། གཞོན་ནུ་ལང་ཚོ་ལ་བབ་པ། ཞལ་འཛུམ་བག་དང་བཅས་པ།
59a3 མཉམ་པའི་སྐྱིལ་མོ་ཀྲུང་བཅས་པས་གདན་ཟླ་བ་དང་པདྨའི་སྟེང་དུ་བཞུགས་པའོ། །ཤར་གྱི་སྒོར་ཟླ་བ་དང་པདྨའི་སྟེང་ན་ཏཾ་ལས་བྱུང་བའི་ཨུཏྤ་ལ་ས་བོན
59a4 དང་བཅས་པས་འཇིག་རྟེན་གྱི་ཁམས་ཐམས་ཅད་དུ་འོད་ཁ་དོག་སྣ་ཚོགས་པས་འཇིག་རྟེན་གྱི་ཁམས་ཐམས་ཅད་སྤྲུལ་པ་ལྟ་བུ་དང་། སྒྱུ་མ་དང་། འཇའ་ཚོན
59a5 དང་། སྨིག་རྒྱུ་དང་། ཆུ་ཟླ་དང་གཟུགས་བརྙན་ལྟ་བུར་མཐོང་ངོ་། །དེའི་ཨུཏྤ་ལ་ལས་བྱུང་བའི་སྒྲོལ་མ་ལྕགས་ཀྱུ་མ་སྐྱུ་མདོག་དཀར་མོ་ཕྱག་གཉིས་ལྕགས་ཀྱུ
59a6 འཛིན་པ། ཁྲོས་པའི་སྐུ་རིན་པོ་ཆེའི་དོ་ཤལ་དང་། སྙན་ཆ་དང་། དཔུང་རྒྱན་དང་། རྒྱན་རྣམ་པ་སྣ་ཚོགས་པས་བརྒྱན་པ། གཞོན་ནུ་ལང་ཚོ་ལ་བབ་པ། ཅུང་ཞིག་ཁྲོས
59a7 པའི་ཞལ་དང་བཅས་པ། ཞབས་བརྐྱང་བསྐུམ་དུ་ཟླ་བ་དང་པདྨའི་སྟེང་ན་བཞུགས་པའོ། །ལྷོའི་སྒོར་པདྨ་དང་ཟླ་བའི་སྟེང་དུ་རེ་ལས་བྱུང་བའི་ཨུཏྤལ་ལས་ས་བོན་དང་བཅས
iiif viewer powered by OpenSeadragon
