| e-texts navigator |
| Wylie |
56b1 འཇིགས་པ་ཐམས་ཅད་ལས་གྲོལ་ཞིང་ནད་ཀྱི་འཇིགས་པ་མི་འབྱུང་ངོ་། །འཇིགས་པ་ཆེན་པོ་བརྒྱད་ལ་སོགས་པ་ལས་གྲོལ་བར་འགྱུར་རོ། །འཇམ་དཔལ། དུས་གསུམ
56b2 གྱི་སངས་རྒྱས་ཐམས་ཅད་ཀྱིས་བསྟོད་པ་འདི་འཛིན་པའི་གང་ཟག་དེ་ནི། དུས་གསུམ་གྱི་སངས་རྒྱས་ཐམས་ཅད་ལ་མཆོད་པ་བྱས་པར་འགྱུར་རོ། །འདི་འཛིན་པའི
56b3 གང་ཟག་དེ་ནི། མཚམས་མེད་པ་ལ་སོགས་པའི་སྡིག་པ་མ་ལུས་པ་བྱང་བར་འགྱུར་རོ། །སངས་རྒྱས་ཐམས་ཅད་མཐོང་བར་འགྱུར་རོ། །དུས་མ་ཡིན་པའི་འཆི་བ་མི
56b4 འབྱུང་ཞིང་ནམ་འཆི་བའི་ཚེ་དུས་གསུམ་གྱི་སངས་རྒྱས་ཐམས་ཅད་སྐྱེད་པའི་ཡུམ་སྒྲོལ་མ་མཐོང་བར་འགྱུར་རོ། །འདི་འཛིན་པའི་གང་ཟག་དེ་ནི། ཡིད་ལ་ཅི
56b5 བསམ་པ་ཐམས་ཅད་འགྲུབ་པར་འགྱུར་རོ། །གཟུགས་ཕུན་སུམ་ཚོགས་པ་དང་། ཁ་དོག་ཕུན་སུམ་ཚོགས་པ་ལ་སོགས་པ་ཐམས་ཅད་འཐོབ་པར་འགྱུར་རོ། །
56b6 རྨི་ལམ་ངན་པ་དང་། སྡང་བ་དང་། མི་མ་ཡིན་པའི་བར་དུ་གཅོད་པ་ཐམས་ཅད་ཞི་བར་འགྱུར་རོ། །དུས་གསུམ་གྱི་བདེན་པ་ཡང་མཐོང་བར་འགྱུར་རོ། །ཡུམ་སྒྲོལ་མའི
56b7 སྐུ་དངོས་སུ་མཐོང་བར་འགྱུར། ན་མཿསརྦ་ཏ་ཐཱ་ག་ཏ་སམྱ་ཀྶཾ་བུདྡྷ་ཡ་ཏྲེ་ཡ་ཏེ་ཏྲཱ་ར་ཏེ་ཏུ་ཏཱ་ར་ཞེས་བརྗོད་པར་བྱའོ། །བསྟོད་པའི་ལེའུ་སྟེ་གསུམ་པའོ།། །།
iiif viewer powered by OpenSeadragon
