| e-texts navigator |
| Wylie |
4a1 @#། །བཅོམ་ལྡན་དམར། །དྲང་སྲོང་དག་ཏུ་རི་དྭགས་བརྒྱན། །ཞི་བ་འཛུམ་དང་བཞད་པ་དང་། །ཁྲོས་པའི་ཞལ་མངའ་སྤྱན་གསུམ་མཛེས། །བཅུ་པ
4a2 སེམས་དཔའི་རྟགས་ཅན་ཏེ། །བཅུ་གཅིག་བཅོམ་ལྡན་འདས་ཀྱི་བདག་།ཡོན་ཏན་ནོར་བུ་མུ་ཏིག་ཕྲེང་། །འཕྲིན་ལས་སྣ་ཚོགས་སྨད་དཀྲིས་པ། །དང་པོའི་ཕྱག་ནི་ཐལ
4a3 སྦྱར་ཏེ། །གཡས་པ་རིན་ཆེན་ཕྲེང་བ་འཛིན། །གཡོན་པ་དྲི་མེད་པདྨ་འཛིན། །གཡས་པ་མཆོག་སྦྱིན་མཛད་པའོ། །གཡོན་པ་རིལ་བ་སྤྱི་བླུགས་ཏེ། །གཡས་པ་འཁོར་ལོ
4a4 རབ་ཏུ་འཛིན། །གཡོན་པ་ན་ནི་མདའ་གཞུ་སྟེ། །ལྷག་མ་མཆོག་སྦྱིན་སྤྱན་ལྡན་ནོ། །དེ་ནས་ཡང་བཅོམ་ལྡན་འདས་ཀྱིས་འཛུམ་པ་མཛད་དེ་ཅོད་པན་གཉིས་ནས་རིན
4a5 པོ་ཆེ་རབ་ཏུ་འཕྲོ་བ་དང་། བཅོམ་ལྡན་འདས་ལ་སངས་རྒྱས་ཐམས་ཅད་ཀྱི་བྱིན་གྱི་རླབས་ལས་བྱུང་བའི་པདྨའི་སྟེང་དུ་རིགས་ལྔ་བྱུང་བ་ནི། འདི་ལྟ་སྟེ། རྣམ་པར
4a6 སྣང་མཛད་དང་། རིན་ཆེན་འབྱུང་ལྡན་དང་། སྣང་བ་མཐའ་ཡས་དང་། དོན་ཡོད་གྲུབ་པ་དང་། མི་བསྐྱོད་པའོ། །ཁང་བུ་བརྩེགས་པའི་རིན་པོ་ཆེ་དེའི་ནང་དུ་སེངྒེ
4a7 དང་། རྟ་དང་། རྨ་བྱ་དང་། ནམ་མཁའ་ལྡིང་དང་། གླང་པོ་ཆེའོ། །དེ་དག་ནི། ཅོད་པན་ལས་བྱུང་བའོ། །ཡང་། ཡུམ་ནི་སྐུ་མདོག་སྔོན་མོ་སྟེ། པདྨ་ལས་བྱུང་པདྨའི
iiif viewer powered by OpenSeadragon
