| e-texts navigator |
| Wylie |
44b1 རྒྱལ་པོའི་ཁོང་གི་དུག་ཐོན་ཅིག་།རིན་ཆེན་རྨག་ཤད་མཆོད་པའི་རྟེན། །མི་ལྡོག་པ་ཡི་རྫས་སུ་ཆོངས། །བུམ་པ་གཏེར་གྱིས་གང་བ་མཛེས། །སྲོག་ཆགས་ཡིད་འོང
44b2 གཟུགས་ཀྱིས་མཆོད། །ཞི་འགྱུར་འདི་ལ་ཐེ་ཚོམ་མེད། །ཀླུ་ཡི་རྒྱལ་པོ་འཇོག་པོ་ཡིས། །ཟིན་ཀྱང་སྐད་ཅིག་གཅིག་ལ་ཐོན། །འཇམ་དཔལ། །འདི་གཞན་གྱི
44b3 མཐུ་མ་ཡིན་ཏེ། འཕགས་པ་སྤྱན་རས་གཟིགས་དབང་ཕྱུག་དེའི་མཐུའོ། །སྟོབས་སོ། །བྱིན་གྱི་རླབས་སོ། །ཐུགས་རྗེ་དང་ལྡན་པ་འདིའི་ཡོན་ཏན་བརྗོད་ཀྱིས
44b4 མི་ལང་ཡང་བདག་གིས་ཆ་ཤས་ཙམ་ཞིག་བརྗོད་ན། ཨོཾ་བཅོམ་ལྡན་འདས། །བྱ་བ་བྱས་ཤིང་བྱེད་པ་བྱས། །ཁུར་བོར་བདག་དོན་རྗེས་སུ་བརྙེས། །སྲིད་པར་སྦྱོར་བ
44b5 ཡོངས་སུ་ཟད། །ཡང་དག་བཀའ་ལས་རྣམ་པར་གྲོལ། །སེམས་དཔའ་དབང་སྒྱུར་ཐམས་ཅད་ཀྱི། །མཆོག་ཏུ་ཕ་རོལ་ཕྱིན་ཐོབ་པ། །སྲིད་ལས་རྒལ་ཞིང་ཚོགས
44b6 གཉིས་རྫོགས། །ཱཿ། གཞན་ལ་ཕན་བརྩོན་ཐུགས་བརྩེ་ཅན། །སེམས་ཅན་ཀུན་ལ་མཆོག་ཏུ་བྱམས། །ཁམས་གསུམ་ཀུན་གྱི་གཉེན་གཅིག་པུ། །མཐའ་ཡས
44b7 སེམས་ཅན་སྒྲོལ་ལ་མཁས། །ཧྲཱིཿ། འགྲོ་བ་ཉམ་ཐག་ཀུན་ཏུ་སྐྱོབ། །དྲི་མ་གསུམ་སྤངས་ཕ་རོལ་ཕྱིན། །མངོན་ཤེས་དྲུག་བརྙེས་ནྱ་གྲོ་བུ། །སྐྱེས་བུ་ཆེན་པོའི
iiif viewer powered by OpenSeadragon
