| e-texts navigator |
| Wylie |
39b1 པོ་གཅིག་ཏུ་བྱས་ནས་ཕྱག་འཚལ་བསྐོར་བ་ལན་གསུམ་བྱས་ཏེ། བྱང་ཆུབ་སེམས་དཔའ་སྙིང་རྗེ་ཅན། །ཁྱོད་ལ་བདག་ནི་སྐྱབས་སུ་མཆི། །ཀླུ་རྣམས་ཀུན་གྱི
39b2 མགོན་མཛོད་ཅིག་། ཉམས་ན་ཀླུ་ཡི་གཤེད་མ་མཛོད། །ཅེས་སྨྲས་ནས་ཏྲི་ཤཱུ་ལ་ལ་ལན་གསུམ་དཀྲིས། ཁ་བྱང་ཆུབ་སེམས་དཔའ་ལ་བསྒྱུར། །ཕུཿཕུཿཞེས
39b3 བརྗོད་ཅིང་གུས་པས་ཁ་ནས་ཁྲག་འབྱིན་ཅིང་གནས་སོ། །ཀླུའི་རྒྱལ་པོ་གཞན་རྣམས་ཀྱང་ཐལ་མོ་སྦྱར་ནས་བསྐོར་བ་ལན་གསུམ་གསུམ་བྱས་ནས། བྱང
39b4 ཆུབ་སེམས་དཔའ་སྙིང་རྗེ་ཅན། །ཁྱོད་ལ་བདག་ཅག་སྐྱབས་སུ་མཆིའོ། །ཀླུ་རྣམས་ཐམས་ཅད་སྐྱབས་སུ་ཟུངས། །ཉམས་ན་ཀླུ་ཡི་གཤེད་མ་མཛོད། །ཅེས
39b5 སྨྲས་ནས་ཀླུ་ཆེན་པོ་བརྒྱད་སྦྲུལ་དཀར་པོ་གཅིག་ཏུ་བྱས་ནས་ཚངས་སྐུད་ལ་འཁྲིས་སོ། །ཀླུའི་རྒྱལ་པོ་དེ་རྣམས་ཀྱང་བདག་ཅག་ནི། བྲན་བགྱིད་དོ། །ཅི
39b6 བཀའ་སྩལ་པ་ཉན་ནོ། །ཞེས་སྨྲས་ནས་ཀླུ་རྣམས་སོ་སོའི་གནས་སུ་དེངས་སོ། །འཇམ་དཔལ། བྱང་ཆུབ་སེམས་དཔའ་དེ་ནི། སྙིང་རྗེ་ཀླུ་འདུལ་ཞེས་བྱའོ། །
39b7 སྙིང་ནད་སེལ་བ་ཞེས་བྱའོ། །འཇམ་དཔལ། དེ་ལྟར་སྔོན་གྱི་བྱང་ཆུབ་སེམས་དཔའ་ཤེས་རབ་ཆེན་པོ་དེ་འཇམ་དཔལ་སྨྲ་བའི་སེངྒེ་ཁྱོད་ཉིད་ཡིན་ནོ། །དེའི
iiif viewer powered by OpenSeadragon
