| e-texts navigator |
| Wylie |
36b1 སེངྒེའི་སྒྲ་ལས་བྱུང་བ་ཡིན། །འདམ་སྐྱེས་དམར་པོའི་ལོ་མ་གཉིས། །པདྨ་བཞི་ལ་སྔགས་བཞི་ལྡན། །རང་ལུས་འོག་ནས་ཐལ་མོ་སྦྱོར། །སྐུ་ལ་འདུད་ཅིང་འཕྲིན
36b2 ལས་བྱེད། །རྡོ་རྗེའི་གདན་ལ་མི་བསྐྱོད་པའི། །ཐུགས་ཀ་ནས་ནི་སྔགས་འོད་འདོན། །སྤྲོ་བ་གསུམ་དུ་ལྡན་པའི་སྔགས། །ཉི་ཤུ་རྩ་གཅིག་གདོན་པར་བྱའོ། །གསང
36b3 བའི་བདག་པོ། །རྒྱུད་འདི་ལ་སྨོད་པའི་སེམས་ཅན་དེ་ནི། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་སྨོད་པ་ཡིན་ནོ། །གསང་བའི་བདག་པོ། རྒྱུད
36b4 འདི་ཉན་པ་དང་། སེམས་པ་དང་། མཆོད་པ་དང་། འཆང་བ་དང་། ཐ་ན་འདི་ལ་མོས་པའི་སེམས་ཅན་དེ་དག་ལ་རྒྱལ་ཆེན་བཞིའི་ལྷ་དང་། སུམ་ཅུ་རྩ་གསུམ་གྱི
36b5 ལྷ་དང་། ཚངས་པའི་བུ་དང་། ཚངས་ཆེན་རྣམས་ཀྱིས་སྲུང་བ་དང་། །བསྐྱབ་པ་དང་། སྦ་བ་དང་། ཀུན་ཏུ་རྗེས་སུ་འབྲང་བར་བྱེད་དེ། དེ་བས་ཆེས་ལྷག་པའི
36b6 སངས་རྒྱས་དང་། བྱང་ཆུབ་སེམས་དཔའ་ཐམས་ཅད་བུ་ལ་མས་སྲུང་བ་བཞིན་དུ་སྲུང་བར་འགྱུར་རོ། །བདུད་ཀྱིས་བར་དུ་གཅོད་པར་མི་ནུས་སོ། །གང་ཤི
36b7 འཕོས་ནས་ནུབ་ཕྱོགས་བདེ་བ་ཅན་དུ་པདྨོ་ལས་སྐྱེ་བར་འགྱུར་རོ། །མངལ་གྱི་སྡུག་བསྔལ་ལས་ཐར་བར་འགྱུར་རོ། །ཚེ་འདིར་མེ་དང་ཆུའི་འཇིགས་པ་ལས་ཐར
iiif viewer powered by OpenSeadragon
