| e-texts navigator |
| Wylie |
168b1 ལྷས་འདོད་པའི་བཟའ་བ་སྟེར་ཞིང་གསེར་སྲང་འབུམ་སྟེར་རོ། །གལ་ཏེ་སྲིང་མོར་གྱུར་ན་ནི། རྒྱལ་སྲིད་སྟེར་ཞིང་དཔག་ཚད་སྟོང་ནས་ཀྱང་བུད་མེད་བླངས་ནས་སྟེར་རོ། །གལ་ཏེ
168b2 ཆུང་མར་གྱུར་ན་ནི། བུད་མེད་མཛེས་མ་ལྟ་བུས་ལུས་ཀྱི་ལོངས་སྤྱོད་སྟེར་ཞིང་རེ་བ་ཐམས་ཅད་ཡོངས་སུ་རྫོགས་པར་བྱེད་དོ། །ལོ་ཁྲི་འཚོ་ཞིང་གང་གི་ཚེ་འཆི་བ་ན་རྒྱལ་རིགས
168b3 སུ་སྐྱེ་བར་བྱེད་དོ། །དེ་ནས་ཟླ་བ་ཉ་བ་ལ་ཁྲི་བཟླས་པ་བྱས་ནས་མཚན་མོ་ལྷ་ཁང་དུ་སོང་སྟེ་མཆོད་པ་རྒྱས་པར་བྱས་ནས་མཚན་ཐོག་ཐག་བཟླས་ན། ཐོ་རངས་ངེས་པར་འོང་ངོ་། །
168b4 འོངས་པ་ལ་ཁྲག་གི་མཆོད་ཡོན་བྱིན་ན། དགའ་བར་འགྱུར་ཞིང་མངག་གཞུག་མར་འགྱུར་ཏོ། །ཉི་མ་རེ་རེ་དོང་རྩེ་ལྔ་ལྔ་སྟེར་ཞིང་ལྷའི་འདོད་པའི་བཟའ་བ་སྟེར་རོ། །ལོ་ལྔ་བརྒྱ
168b5 འཚོ་བར་འགྱུར་རོ། །འདི་ནི། ཀ་ཏ་ཡ་ན་བརྒྱད་ཀྱི་སྒྲུབ་པའི་ཐབས་ཀྱི་ཆོ་ག་རྒྱས་པའི་ལེའུའོ།། །།དེ་ནས་རྣམ་པར་བཤད་བྱ་བ། །འབྱུང་པོ་འདུལ་བའི་རྒྱུད་ཆེན་གྱི། །བྲན་ཕོ་དང་ནི
168b6 བྲན་མོ་དག་། སྒྲུབ་པར་བྱེད་པའི་ཆོ་གའོ། །ོཾ་རཱ་ཧུ་རཱ་ཧུ། མཧཱ་ཙ་ཏུ་ཀནནྡ་ར་དྷ་ན་ན་ཧི་ཏ་ཧ་ར་ཐཱ་ཡ། ཨོཾ་ཧྲ་ཧྲ་ཧྲ་ཧྲ་ཧྲ། གྲྀཧྞ་གྲྀཧྞ། མཱཾ་ས་སིདྡྷ་མྨེ་པྲ་ཡ་ཙྪ་སྭཱ་ཧཱ། ར་སྐྱེས་ནག་པོའི
168b7 ཤ་བཙོང་བའི་སྔགས་ཏེ། མཚན་མོ་དུར་ཁྲོད་དུ་སོང་ནས་བརྒྱ་རྩ་བརྒྱད་བཟླས་ན། ཤ་ཐམས་ཅད་བཙོང་བའི་ལས་འགྲུབ་པར་འགྱུར་རོ། །མཚན་མོ་དུར་ཁྲོད་དུ་སོང་ནས་ཤ
iiif viewer powered by OpenSeadragon
