| e-texts navigator |
| Wylie |
166b1 ཁུ་ཚུར་གཉིས་པོ་སོ་སོར་བཅིངས་ནས་མཛུབ་མོ་གཉིས་བརྐྱང་བ་ནི། ཀ་ཏ་ཡ་ན་དྲེགས་མའི་ཕྱག་རྒྱ་སྟེ། དྲི་དང་། སྤོས་དང་། དེ་བཞིན་དུ་མེ་ཏོག་གིས་མཆོད་ཅིང་ཉ་དང་ཤའི་གཏོར
166b2 མ་ཡང་བྱིན་ན། འབྱུང་པོ་ཐམས་ཅད་སྐད་ཅིག་དེ་ལ་བྲན་མོར་འགྱུར་རོ། །ཁུ་ཚུར་གཉིས་དམ་དུ་བཅིངས་ནས་མཛུབ་མོ་གཉིས་འཁྱུད་པ་ནི། འབྱུང་མོའི་ཕྱག་རྒྱ་སྟེ། དེ་ཉིད་ཀ
166b3 ཏ་ཡ་ན་གཏུམ་མོ་མི་འགེབས་མའི་ཕྱག་རྒྱའོ། །མཛུབ་མོ་གཉིས་བརྐྱང་བ་ནི། འབྱུང་མོ་ཐམས་ཅད་སྒྲུབ་ཅིང་འབྱུང་མོ་རྣམས་འགྱེལ་ཞིང་གསོད་པའི་ཕྱག་རྒྱ་སྟེ། རིགས་དང་རྒྱུད
166b4 དུ་བཅས་པ་སྒྲུབ་པ་རྒྱལ་བའི་གཞན་ཅན་མའི་ཕྱག་རྒྱ་སྟེ། འབྱུང་མོ་མ་ལུས་པ་དབང་དུ་བྱེད་པའོ། །ཁུ་ཚུར་སོ་སོར་བཅིངས་ནས་མཐེའུ་ཆུང་གཉིས་འཁྱུད་དེ་མཛུབ་མོ་གཉིས
166b5 བརྐྱང་སྟེ་བཀུག་པ་ནི། འཇིག་རྟེན་གསུམ་འགུགས་པར་བྱེད་པའི་ཕྱག་རྒྱ་སྟེ། དྲག་པོ་དང་། ཚངས་པ་དང་བརྒྱ་བྱིན་དུ་བཅས་པ་ཡང་འགུགས་ན། འབྱུང་མོ་ཕྲན་ཚེགས་རྣམས
166b6 ལྟ་ཅི་སྨོས་ཏེ། དེ་ནི། ཀ་ཏ་ཡ་ན་མཛེས་མའི་ཕྱག་རྒྱའོ། །འབྱུང་མོ་ཆེན་མོ་ཀ་ཏ་ཡ་ན་བརྒྱད་ཀྱི་ཕྱག་རྒྱའི་ཆོ་ག་རྒྱས་པའི་ལེའུ་འོ།། །།དེ་ནས་འདིར་མཆོག་ཏུ་གསང་བ
166b7 གསང་ཆེན་འབྱུང་པོ་འདུལ་བའི་རྒྱུད་ཀྱི་རྒྱལ་པོ་ཆེན་པོའི་འབྱུང་མོ་ཀ་ཏ་ཡ་ན་རྣམས་ཀྱི་སྒྲུབ་པའི་ཐབས་རྣམ་པར་བཤད་པ། འབྱུང་མོ་ཀ་ཏ་ཡ་ན་རྣམས་ཀྱི་སྒྲུབ་པའི་ཐབས
iiif viewer powered by OpenSeadragon
