| e-texts navigator |
| Wylie |
165a1 @#། །ནས་སྒྲུབ་པར་བརྩམ་པར་བྱ་སྟེ། མཚན་མོ་དུར་ཁྲོད་དུ་སོང་ནས་སེང་ལྡེང་གི་ཡམ་ཤིང་ཞོ་དང་། སྦྲང་རྩི་དང་། མར་གྱིས་བྱུགས་པས་སྦྱིན་སྲེག་བརྒྱ
165a2 བྱས་ན|་དེ་ནས་འབྱུང་མོ་དུར་ཁྲོད་དུ་འཇུག་མ་མྱུར་དུ་འོང་སྟེ། ངས་ཅི་བྱ་ཞེས་མངག་གཞུག་བྱེད་པར་འགྱུར་རོ། །དེ་ནས་ཞིང་བསྐྱེད་པའི་ཞིང་གི་ལས་བྱེད་ཅིང་ཉི་མ་རེ་རེ
165a3 དོང་ཙེ་རེ་རེ་སྟེར་རོ། །མཚན་མོའི་ཞིང་གི་གསེབ་ཏུ་སོང་སྟེ་ཉ་དང་ཤས་ཇི་ལྟར་གསུངས་པའི་གཏོར་མ་སྦྱིན་ཞིང་ལན་ཉི་ཤུ་རྩ་གཅིག་ཡོངས་སུ་བཟླས་ན། ལས་ཀྱི་ཤ
165a4 ཟ་མོ་ཇི་ལྟར་བསྟན་པའི་ལས་ཐམས་ཅད་བྱེད་དོ། །མཚན་མོ་དུར་ཁྲོད་དུ་སོང་སྟེ་སྟོང་ཕྲག་བརྒྱད་བཟླས་ན། ཤ་ཟ་མོ་ཉན་རྣམས་མྱུར་དུ་བཟང་མོའི་གཟུགས་ཀྱིས་འོང
165a5 སྟེ|་མངག་གཞུག་མར་འགྱུར་རོ། །ཁྱིམ་གྱི་ལས་དང་། བྱ་བ་དང་། ཤགས་དང་། དྲག་པོའི་ལས་ལ་སོགས་པ་བྱེད་དོ། །མཚན་མོ་དུར་ཁྲོད་དུ་སོང་ནས་སྟོང་ཕྲག་བརྒྱད
165a6 བཟླས་ན། ཤ་ཟ་མོ་ཉན་རྣམས་འབྱུང་མོའི་འཁོར་ལྔ་བརྒྱས་ཡོངས་སུ་བསྐོར་ཏེ་མྱུར་དུ་འོང་ངོ་། །འོངས་པ་ལ་ཉ་དང་ཤ་ལས་བྱས་པའི་གཏོར་མ་དམར་པོ་བྱིན་ན། དགའ
165a7 བར་འགྱུར་རོ། །བྲན་གྱི་ལས་བྱེད་ཅིང་རས་ཟུངས་གཅིག་དང་། དོང་ཙེ་གཅིག་དང་། འབྲས་ཆན་དང་། རྒྱན་ལ་སོགས་པ་སྒྲུབ་པོ་དང་འགྲོ་བ་ལྔ་ལ་ཉི་མ་རེ་རེ་སྟེར་རོ། །དཔག
iiif viewer powered by OpenSeadragon
