| e-texts navigator |
| Wylie |
164b1 ཕྱག་རྒྱ་བཤད་པ། གཡོན་པའི་མཛུབ་མོ་བརྐྱང་བ་ནི། གདོང་དྲུག་མའི་ཕྱག་རྒྱའོ། །ཁུ་ཚུར་སོ་སོར་བཅངས་ནས་མཐེའུ་ཆུང་གཉིས་འཁྱུད་དེ་མཛུབ་མོ་གཉིས་བརྐྱང་ནས
164b2 ཁའི་ཕྱོགས་སུ་སྦྱར་བ་ནི། མཆེ་བ་གཙིགས་པའི་ཕྱག་རྒྱའོ། །ལག་པ་གཡོན་པ་ཁུ་ཚུར་བཅངས་ཏེ་གུང་མོ་བརྐྱང་བ་ནི། རྒན་མོ་གདོང་གི་ཕྱག་རྒྱའོ། །ཕྱག་རྒྱ་དེ་ཉིད་ལས
164b3 གུང་མོ་བཀུག་ཅིང་སྲིན་ལག་བརྐྱང་བ་ནི། པདྨའི་མིག་ཅན་མའི་ཕྱག་རྒྱའོ། །ཕྱག་རྒྱ་འདི་ཉིད་ལས་སྲིན་ལག་བཀུག་ནས་མཐེའུ་ཆུང་བརྐྱང་བ་ནི། མི་སྡུག་གདོང་མའི་ཕྱག
164b4 རྒྱའོ། །ལག་པ་གཡས་པ་ཁུ་ཚུར་བཅངས་ནས་མཛུབ་མོ་བརྐྱང་བ་ནི། སྤྱོད་ངན་མའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཛུབ་མོ་བཀུག་ཅིང་གུང་མོ་བརྐྱང་བ་ནི། གློག་ལྟར
164b5 འཇིགས་མའི་ཕྱག་རྒྱའོ། །ཕྱག་རྒྱ་འདི་ཉིད་ལས་མཐེའུ་ཆུང་རབ་ཏུ་བརྐྱང་བ་ནི། བཞིན་མཛེས་མའི་ཕྱག་རྒྱའོ། །དུར་ཁྲོད་དུ་འཇུག་མའི་འབྱུང་མོ་ཆེན་མོ་བརྒྱད་ཀྱི་ཕྱག་རྒྱའི་མཚན
164b6 ཉིད་ཀྱི་ཆོ་ག་རྒྱས་པའི་ལེའུ་འོ། ། །།དེ་ནས་འདིར་ནི་བཤད་བྱ་བ། །འབྱུང་པོ་འདུལ་བའི་རྒྱུད་ཆེན་རྒྱལ། །དུར་ཁྲོད་འཇུག་པའི་འབྱུང་ཆེན་མོ། །བརྒྱད་པོ་སྒྲུབ་པའི
164b7 ཆོ་ག་སྟེ། །དབུལ་པོ་རྣམས་ལ་ཕན་དོན་དུ། །བྲན་མོའི་སྒྲུབ་ཐབས་དམ་པའོ། །དུར་ཁྲོད་དུ་སོང་ནས་སྟོང་ཕྲག་བརྒྱད་བཟླས་ན། སྔོན་དུ་བསྙེན་པ་བྱས་པར་འགྱུར་རོ། །དེ
iiif viewer powered by OpenSeadragon
