| e-texts navigator |
| Wylie |
162b1 རྫས་ཀྱི་དངོས་གྲུབ་སྟེར་ཞིང་དཔག་ཚད་སྟོང་དུ་སོང་ནས་བུད་མེད་བཟང་མོ་བླངས་ནས་སྟེར་བར་བྱེད་ཅིང་མཆན་མོ་སླར་འཁྱེར་རོ། །ལྷ་ཁང་སྟོང་པར་སོང་ནས་ཇི་ལྟར་གསུངས་པའི
162b2 གཏོར་མ་དང་མཆོད་པ་བྱས་ཏེ་སྟོང་ཕྲག་བརྒྱད་དུ་བཟླས་ན། འགྲུབ་པར་འགྱུར་རོ། །མཚན་མོ་ཡང་གཏོར་མ་བྱིན་ནས་སྟོང་ཕྲག་བརྒྱད་བཟླས་ན། ངེས་པར་འོང་ངོ་། །
162b3 འོངས་པ་ལ་འདོད་པ་བྱས་ན། ཆུང་མར་འགྱུར་ཏེ། ཉི་མ་རེ་རེ་དོང་རྩེ་སྟོང་སྟོང་སྟེར་ཞིང་། རྒྱབ་ཏུ་ཞོན་ན། རི་རབ་ལ་ཡང་འཁྱེར་བར་བྱེད་དོ། །གཞན་རྒྱལ་སྲིད་སྦྱིན་པར་བྱེད
162b4 ཅིང་རྒྱལ་པོའི་བུ་མོ་བཀུག་ནས་སྟེར་ཏེ། ལོ་སྟོང་ཕྲག་ལྔ་འཚོ་ཞིང་ཤི་ནས་ཀྱང་རྒྱལ་རིགས་སུ་སྐྱེའོ། །ཆུ་བོ་འདུས་པའི་འགྲམ་དུ་སོང་སྟེ་ཤའི་བཟའ་བ་དང་། ཀཱ་ར་བཱི་རའི
162b5 མེ་ཏོག་སྦྱིན་ཞིང་གུ་གུལ་གྱི་དུད་པས་བདུགས་ལ་སྟོང་ཕྲག་བརྒྱད་བཟླས་ན། འགྲུབ་པར་འགྱུར་རོ། །མཚན་མོ་ཡང་མཆོད་པ་རྒྱས་པར་བྱས་ཏེ་མར་མེ་རབ་ཏུ་སྦར་ནས་སྟོང
162b6 ཕྲག་བརྒྱད་བཟླས་ན། འཁོར་ལྔ་བརྒྱས་ཡོངས་སུ་བསྐོར་ནས་རྐང་གདུབ་ཀྱི་སྒྲ་ཆེན་པོས་འོང་ངོ་། །འོངས་པ་ལ་མི་སྨྲ་བར་གྱུར་པས་འདོད་པར་བྱ་སྟེ། ཆུང་མར་འགྱུར་རོ། །
162b7 གལ་ཏེ་སྤོང་བར་བྱེད་ན། འཆི་བར་འགྱུར་རོ། །རྒྱབ་ཏུ་ཞོན་ན། ཉི་མ་རེ་རེ་མཐོ་རིས་སུ་ཡང་འཁྱེར་བར་བྱེད་དོ། །གཞན་ཡང་རྒྱལ་སྲིད་སྟེར་ཞིང་སྟོང་ཕྲག་ལྔ་འཚོ་ལ་ཤི་ནས
iiif viewer powered by OpenSeadragon
