| e-texts navigator |
| Wylie |
161b1 ལ་ལག་པ་གཡས་པ་རྐེད་པ་གཡས་པར་བཞག་ལ། ལག་པ་གཡོན་པས་གཡས་མནན་པའི་སྟེང་དུ་བཞག་པ་ནི། མཆོག་གི་སྙིང་པོ་སྟེ། འབྱུང་མོ་ཐམས་ཅད་ཀྱི་ཕྱག་རྒྱའོ། །ཕྱག
161b2 རྒྱ་འདི་དག་བཅིངས་པ་ཙམ་གྱིས་འབྱུང་མོ་རྣམས་མྱུར་དུ་འོང་སྟེ། གལ་ཏེ་མ་འོངས་ན། མིག་དང་སྤྱི་བོ་འགས་ཤིང་བསྐམས་ཏེ་འཆི་བར་གྱུར་ཅིག་།དེ་ནས་དཔལ་ལྡན་རྡོ་རྗེ་འཆང
161b3 ཁྲོ་བོའི་བདག་པོ་ཆེན་པོས་འདི་སྐད་ཅེས་བཀའ་སྩལ་ཏོ། །གལ་ཏེ་འབྱུང་མོ་རྣམས་དམ་ཚིག་ལས་འདའ་བར་བྱེད་ན། ཁྲོ་བོ་འདི་དང་བཅས་པས་དགུག་པའི་ཕྱིར་བཟླས་ཏེ། ཨོཾ་ཀ
161b4 ཊུ་ཀ་ཊུ་སྲུཾ་ཏྲུཾ་ཧྲཱིཿཆེ་གེ་མོ་བྷཱུཾ་ཏི་ནི་ཧཱུཾ་ཕཊ། ཁྲོ་བོ་འདི་དང་བཅས་པས་བརྒྱ་ཕྲག་བརྒྱད་བཟླས་ན། མྱུར་བར་འོང་བར་འགྱུར་རོ། །གལ་ཏེ་མྱུར་དུ་མ་འོངས་ན། མིག་དང་སྤྱི་བོ་འགས
161b5 པའམ། བསྐམས་ཏེ་འཆིའོ། །དེ་ནས་སྒྲུབ་པའི་ཐབས་ཀྱི་ཆོ་ག་བཤད་པ། ཆུ་བོའི་འགྲམ་དུ་སོང་སྟེ་ཙནྡན་གྱི་དཀྱིལ་འཁོར་བྱས་ནས་མེ་ཏོག་གཅལ་དུ་བཀྲམ་སྟེ་གུ་གུལ་གྱི
161b6 དུད་པས་བདུག་ཅིང་སྟོང་ཕྲག་བརྒྱད་བཟླས་ན་འགྲུབ་པར་འགྱུར་རོ། །མཚན་མོ་ཡང་སྟོང་བཟླས་ན་འོང་སྟེ། འོངས་ནས་འདོད་པ་སྦྱིན་པར་འགྱུར་ཏེ་ཆུང་མར་འགྱུར་རོ། །གསེར
161b7 སྲང་བརྒྱ་མལ་དུ་དོར་ནས་ཐོ་རངས་ཀྱིས་འགྲོ་བར་བྱེད་དོ། །ཉི་མ་རེ་རེ་འདི་ལྟར་བྱས་ན། ཟླ་བ་གཅིག་གི་བར་དུ་ངེས་པར་འགྲུབ་བོ། །ཆུ་བོའི་འགྲམ་དུ་སོང་སྟེ་ཙནྡན་གྱི་དཀྱིལ
iiif viewer powered by OpenSeadragon
