| e-texts navigator |
| Wylie |
161a1 @#། །མོ་ཆེན་མོ་བརྒྱད་ཀྱི་སྒྲུབ་པའི་གནས་སོ། །དེ་ནས་ཕྱག་རྒྱ་བཤད་བྱ་བ། །འབྱུང་མོ་བརྒྱད་ཀྱི་སྒྲུབ་པ་སྟེ། །ལག་གཡོན་ཁུ་ཚུར་དམ་བཅས་ནས། །གུང་མོ
161a2 རབ་ཏུ་བརྐྱང་བྱས་པ། །སྤྱན་དྲང་མཆོད་པའི་ཕྱག་རྒྱ་སྟེ། །རིགས་ཀྱི་མཆོག་ནི་སྒྲུབ་བྱེད་པའོ། །ཁུ་ཚུར་ཕན་ཚུན་བཅངས་ནས་ནི། །མཛུབ་མོ་རབ་ཏུ་བརྐྱང་བྱས་པ། །རང་གི
161a3 དམ་ཚིག་སྲུང་བ་ཡི། །འབྱུང་མོ་སྐད་ཅིག་དེ་ལ་སྒྲུབ། །ལག་གཡོན་ཁུ་ཚུར་དམ་བཅངས་ནས། །མཐེ་ཆུང་རབ་ཏུ་བརྐྱང་བྱས་པ། །ཉེ་བར་བྱེད་པའི་ཕྱག་རྒྱ་སྟེ། འབྱུང་པོ
161a4 ཐམས་ཅད་རྗེས་འབྲང་བའོ། །ལག་པ་གཡོན་པ་བརྐྱང་ནས་ནི། །མཛུབ་མོ་བསྐྱིལ་བ་བྱས་ནས་སུ། །མཐེ་བོང་གཡས་ནི་མནན་བྱས་པ། །འབྱུང་ཀུན་དབང་དུ་བྱེད་པའོ།།
161a5 ལག་གཡོན་ཁུ་ཚུར་བཅངས་པ་ལས། །སྲིན་ལག་རབ་ཏུ་བརྐྱང་བ་ནི། །འབྱུང་མོ་ཐམས་ཅད་འགུགས་པ་སྟེ། །བགེགས་ཀུན་ཟློག་པར་བྱེད་པའོ། །ལག་གཡོན་ཁུ་ཚུར
161a6 བཅངས་ནས་ནི། །མཛུབ་མོ་རབ་ཏུ་བརྐྱང་བྱས་པ། །འབྱུང་མོ་མངོན་ཕྱོགས་བྱེད་པ་སྟེ། །གདུག་པ་ཐམས་ཅད་ཟ་བྱེད་པའོ། །ལག་པ་གཡོན་པས་ཁུ་ཚུར་བཅངས་ཏེ་མཐེ་ཆུང
161a7 བརྐྱང་བ་ནི། འབྱུང་མོའི་དམ་ཚིག་གི་ཕྱག་རྒྱ་སྟེ། ཐམས་ཅད་དུ་ལས་ཐམས་ཅད་བྱེད་པའོ། །ལག་པ་གཉི་གའི་སོར་མོ་རྣམས་གཅིག་གི་སྟེང་དུ་གཅིག་བསྐྱོན་པ་བྱས་པ
iiif viewer powered by OpenSeadragon
