| e-texts navigator |
| Wylie |
155a1 @#། །པར་མི་བྱ་ལ། སེན་མོས་ས་ལ་རི་མོ་བྲི་བར་མི་བྱ་ཞིང་། ལྷའི་ཁང་པའི་གྲིབ་མ་ལ་འགོམ་པར་མི་བྱ་སྟེ། འདི་ལྟ་བུའི་ཡོན་ཏན་དང་ལྡན་ཞིང་དེ
155a2 དག་དོར་བའི་སྔགས་པས་མྱུར་དུ་རིག་སྔགས་འགྲུབ་པར་འགྱུར་རོ། །འཕགས་པ་རྡོ་རྗེ་ས་འོག་གི་རྒྱུད་ལས། རིག་སྔགས་ཀྱིས་འདུལ་བ་ཞེས་བྱ་བ་རྡོ་རྗེ་ཁྲོ་བོས་ཡོངས
155a3 སུ་ཞུས་པའི་ལེའུ་སྟེ་ཉི་ཤུ་གསུམ་པའོ། ། །།དེ་རུ་འབད་པས་འཇུག་པ་ན། །ཁང་བཟང་དམ་བརྙེད་པ་ཡིས། །བསྟན་བཅོས་ལས་ནི་ངེས་བཞིན་པའི། །ཕྱོགས
155a4 ཀྱི་ཆ་ནི་རིབ་བཤད་བྱ། །ཤར་ན་ནྱ་གྲོ་དྷ་ཡི་ཤིང་། །དབང་ལྡན་དུ་ནི་པ་ལཀྵ། །ལྷོ་རུ་ཡང་ན་ཨ་ཤྭྟྠའི། །ནུབ་ཏུ་དེ་བཞིན་པ་ལཀྵ། །བྱང་ཆུབ་དུ་ལྗོན་ཤིང་མ་དུ་ག་།གནས་རྣམས
155a5 སུ་ནི་གདོན་མི་ཟ། །གང་དག་ཏུ་ནི་ཤིང་མེད་ན། །དེ་ལ་ཡང་ནི་མཚན་བཟང་པོ། །ཤར་ན་གཞན་པའི་ལུས་གཅིག་སྟེ། །ལྷོ་རུ་ཡང་ནི་བཞི་རུ་འགྱུར། །ནུབ་ཏུ་གསུམ་དུ
155a6 བསྟན་པ་སྟེ། །བྱང་དུ་གཉིས་སུ་བསྒྲགས་པའོ། །མཛེས་པའི་བུ་མོ་རྟག་ཏུ་གནས། །གྲུབ་པའི་རྫས་དང་དངུལ་ཆུ་ནི། །ལྷ་ཡི་བྱང་ན་རྟག་ཏུ་ཡང་། །དངུལ་ཆུ་རུ་ནི་ཤེས
155a7 པར་བྱ|་|དབང་ལྡན་དུ་ཡང་དངུལ་ཆུ་སྟེ། །དབང་པོར་རྫས་ནི་དེ་བཞིན་ནོ། །ཆུ་ལྷར་རྟག་ཏུ་རྫས་བཟང་པོ། །གྲུབ་པའི་རྫས་ནི་བླ་ན་མེད། །བདེན་བྲལ་དུ་ནི་རལ་གྲིར་འགྱུར། །
iiif viewer powered by OpenSeadragon
