| e-texts navigator |
| Wylie |
154b1 པས་མཚན་མོ་གྱོན་པར་བྱའོ། །སྐྱིལ་ཀྲུང་གིས་གནས་ཏེ་རིག་པའི་ལྷའི་མཚན་མ་མཐོང་ནས་ཏིལ་དང་། མར་བསྲེས་པའི་སྲེག་བླུགས་བྱའོ། །རིག་པའི་སྟོབས་འཕེལ
154b2 བར་འགྱུར་རོ། །ཏིལ་མེད་ན། དནྟུ་ལ་དང་། སྲན་མ་མ་ཤ་དང་། མུད་ག་རྣམས་ཀྱིས་བྱའོ། །ཉ་དང་ཤ་དང་། ཆང་བཏུང་བར་མི་བྱ་སྟེ། ཉེས་པ་དེས་ལོག་པར་འདྲེན་པ
154b3 རྣམས་ཀྱིས་ཟིལ་གྱིས་གནོན་པར་འགྱུར་རོ། །རྟག་ཏུ་སངས་རྒྱས་དང་། ཆོས་དང་། དགེ་འདུན་ལ་བསྙེན་བཀུར་བ་དང་ལྡན་པས་བྱང་ཆུབ་ཀྱི་སེམས་ཆེན་པོ་བསྐྱེད་པར
154b4 བྱའོ|་|དམ་ཚིག་ཤེས་པར་གྱུར་པས་འདི་ལྟར་བྱས་ན། རིང་པོ་མི་ཐོགས་པར་འགྲུབ་པར་འགྱུར་རོ། །རིག་པ་འཛིན་པས་སྔར་བཤད་པར་བྱའོ། །རྟག་ཏུ་ལྷ་ཐམས་ཅད
154b5 ལ་བདུག་དང་། ལྷ་བཤོས་ཀྱི་འབྲས་ཆེན་རང་གི་ལག་གིས་དབུལ་བར་བྱའོ། །ཟློས་པ་ན་ཁ་ཤར་དུ་ཕྱོགས་ཏེ་བྲིས་སྐུ་བྲིས་པའི་སྔོན་དུ་བཟླ་བར་བྱའོ། །བྲིས་སྐུའི་ཚད་ཆེན
154b6 པོ་ཁྲུ་བཅུ་པའི་རས་ལའོ། །དེའི་ཕྱེད་དང་། ཕྱེད་ལ་འབྲིང་དང་། ཐ་མར་འགྱུར་རོ། །སྐམས་འདིར་རིག་པ་འཛིན་པས་སྔར་བཤད་པ་རྣམས་བྱའོ། །གལ་ཏེ་བརྒྱ་ལ་རྫས་སམ།
154b7 གོས་སམ། རྒྱན་སྟེར་ན། དེ་གཟུང་བར་མི་བྱ་སྟེ། འབྲས་བུ་ཙམ་བཟུང་ན་ཡང་གསང་སྔགས་འགྲུབ་པར་མི་འགྱུར་རོ། །ཆུ་ཉུང་དུས་བཀྲུ་བར་མི་བྱ་ཞིང་རྐང་པས་མེ་ལ་རེག
iiif viewer powered by OpenSeadragon
