| e-texts navigator |
| Wylie |
153a1 @#། །ཕྱོགས་མ་ཡིན་པའི་མཆོད་རྟེན་འབར་ན། ལས་ཀྱི་སྒྲིབ་པ་ཟད་པར་ཤེས་པར་བྱའོ། །དེ་ནས་གང་ཅི་སྒྲུབ་པ་དེ་ཐམས་ཅད་འགྲུབ་པར་འགྱུར་རོ། །སྒྲུབ
153a2 པ་ཆེན་པོ་བརྩམས་ནས་ལས་གཞན་དབབ་པ་དང་། གསོད་པ་ལ་སོགས་པ་རྣམས་མི་བྱའོ། །གལ་ཏེ་བྱས་ན། རིག་པ་འགྲུབ་པར་མི་འགྱུར་རོ། །ལོང་བ་དང་། སྒུར་བོ་དང་།
153a3 རླིག་རླུགས་དང་། འོན་པ་དང་། སེན་མོ་ངན་པ་དང་། ཤ་བཀྲ་ཅན་དང་། ལུས་ཞ་བ་དང་། སྤོ་ནག་པ་རྣམས་ཀྱིས་སྒྲུབ་པ་ཆེན་པོ་འགྲུབ་པར་མི་འགྱུར་རོ། །གཞན་གཟའ་ལ
153a4 སོགས་པ་འགྲུབ་པར་འགྱུར་རོ། །མི་གང་སངས་རྒྱས་དང་ཆོས་ལ་དད་པ་དང་ལྡན་པ་དང་། འདུན་པ་དང་ལྡན་པ་དང་། སེན་མོ་ཟངས་ཀྱི་མདོག་ཅན་དང་ལྡན་པ་དང་། ཕ་མ་ལ
153a5 གུས་པ་དང་། བླ་མ་ལ་སྲི་ཞུ་ཆེ་བ་དེས་ཐམས་ཅད་འགྲུབ་པར་འགྱུར་རོ། །རིག་པ་འཛིན་པས་སྔགས་སྒྲུབ་པ་སྔོན་བཞིན་སྒྲུབ་པ་དང་ལྡན་ན། ཚེའི་དུས་བྱས་ཀྱང་གང་འདོད་པ་སེམས
153a6 ཤིང་ཤིབས། དེ་ཤི་བ་ཙམ་གྱིས་དེ་དང་དེར་སྐྱེ་བར་འགྱུར་ཏེ། རིག་པ་འཛིན་པའི་འཁོར་ལོས་བསྒྱུར་བ་ཆེན་པོའམ། ཡང་ན་རིག་པ་འཛིན་པའི་རིགས་སམ། དབང་ཕྱུག་ཆེན
153a7 པོའི་རིགས་སམ། གདོལ་པའི་རིགས་འཛིན་པའི་རིགས་དེ་ལྟ་བུའི་རིམ་པ་གང་འདོད་པའི་བསམ་པས་སྔགས་བསྒྲུབས་པས་དེ་ལྟ་བུའི་རིགས་སུ་འགྲུབ་པར་འགྱུར་རོ། །སྒྲུབ
iiif viewer powered by OpenSeadragon
