| e-texts navigator |
| Wylie |
151b1 དུ་སྦྱངས་ཏེ་ཕྱིས་བསྒྲུབ་པར་བྱའོ། །མིག་སྨན་དང་། ལྡོང་རོས་ལ་སོགས་པ་རྣམས་ལ་ཉིན་མཚན་དུ་འོ་མས་བྲན་ཞིང་གཞག་གོ་།དེ་ནས་བཏོན་ལ་ཇི་ལྟར་ནུས་པས་དགེ་འདུན་ལ
151b2 དགའ་སྟོན་བྱའོ། །སྐར་མ་རྒྱལ་ལ་སངས་རྒྱས་བཅོམ་ལྡན་འདས་ཀྱི་སྤྱན་སྔར་མཆོད་པས་མཆོད་ལ་རས་དཀར་པོ་མ་ཉམས་པས་གཡོགས་ཏེ་བསོད་ནམས་མཆོད་ལ་བརྟག
151b3 པར་བྱའོ། །བརྟགས་པ་ན་སྔོན་གྱི་མཚན་མ་བྱུང་ན། ལས་འགྲུབ་པར་ཤེས་པར་བྱའོ། །མཚན་མ་གཞན་ཡང་སིལ་སྙན་གྱི་སྒྲ་དང་། དུང་གི་སྒྲ་དང་། རྒྱལ་བའི་སྒྲ་བྱུང་ན། སིལ
151b4 སྙན་གྱི་སྒྲས་རིག་པ་འཛིན་པ་ཆེན་པོ་འགྲུབ་པར་འགྱུར་རོ། །རྒྱལ་བའི་སྒྲས་མཁའ་ལ་འགྲོ་བ་འགྲུབ་པར་འགྱུར་རོ། །དུང་གི་སྒྲས་དབང་དུ་བྱེད་པ་འགྲུབ་པར་འགྱུར་རོ། །རྫས
151b5 བཏགས་ཏེ་མིང་མེད་ཀྱིས་རིལ་བུ་ལྔ་བྱའོ། །རས་མ་ཉམས་པའི་སྟེང་དུ་བཞག་སྟེ་གྲིབ་མ་ལ་བསྐམ་པར་བྱའོ། །དེ་ནས་ཨ་ཤྭཏྠའི་ཤིང་གི་སྟེང་དུ་བཞག་ནས་ཞག་བདུན་དུ་ལྷག
151b6 པར་གནས་པར་བྱའོ། །དེ་ནས་ཐོག་མ་སྒྲུབ་པའི་ཉིན་མོ་སྔ་དྲོའི་ཚེ་ཡོངས་སུ་ལྷུང་བས་བསྣུན་པ་ལ་ལན་སྟོང་ཕྲག་གཅིག་བསྔགས་ཏེ། དེ་ནས་ཕྱེ་མ་རེད་སྒྲུབ་པ་ལ་འཇུག་པར་བྱ
151b7 སྟེ|་ཨ་ཤྭཏྠའི་ལོ་མ་བཞི་གཡས་བསྐོར་དུ་བསྐོར་བ་ལ་བཞག་སྟེ་གསུམ་གྱིས་དགབ་བོ། ། ཤྭཏྠའི་ལོ་མ་རྣམས་འདི་ལྟ་བུའི་གནས་ནས་བླང་བར་བྱ་སྟེ། ལྗོན་ཤིང་གཞན
iiif viewer powered by OpenSeadragon
