| e-texts navigator |
| Wylie |
151a1 @#། །རྒྱས་པ་ལ་བྱང་དུ་ཕྱོགས་པས་སོ། །དབང་དུ་བྱ་བ་ལ་བྱང་དུ་ཕྱོགས་པས་སོ། །སངས་རྒྱས་བཅོམ་ལྡན་འདས་ཀྱི་སྤྱན་སྔར་ལྷ་ལ་མཆོད་པ་བྱས་ཏེ་རྒྱས
151a2 པའི་ལས་བྱའོ། །དུར་ཁྲོད་དང་། རྟགས་གཅིག་པར་དབང་དུ་བྱ་བ་ལ་མངོན་སྤྱོད་དོ། །ཞི་བ་ལ་སོགས་པ་ལ་མེ་སྤར་ཏེ་བྱའོ། །གང་གི་ཚེ་དེར་མེ་བཟང་པོར་གྱུར་ན། དེ་ནས
151a3 ལས་འགྲུབ་པར་འགྱུར་རོ། །ཐོག་མ་ཁོ་ནར་སྔགས་ཀྱིས་ལྷ་སྤྱན་དྲངས་ཏེ་ཕྱིས་བཅིང་བར་བྱའོ། །ཐོག་མར་དེ་ལྟར་མ་བྱས་ན། རིག་པ་འགྲུབ་པར་མི་འགྱུར་རོ། །སྤྱན
151a4 དྲངས་ནས་དྲིའི་ཆུས་གང་པའི་སྣོད་དུ་མེ་ཏོག་དཀར་པོ་དང་ལྡན་པ་ལ་སངས་རྒྱས་བཅོམ་ལྡན་འདས་ཀྱི་སྤྱན་སྔར་ཕྱོགས་ཏེ་གསང་སྔགས་བརྒྱད་བརྒྱ་བགྲང་བར་བྱའོ། །
151a5 སྒྲུབ་པ་ཆེན་པོ་འབྱུང་བའི་མཚན་མ་རྣམས་འབྱུང་སྟེ། གློ་བུར་དུ་དུང་གི་སྒྲའམ། འབྲུག་གི་སྒྲ་ཐོས་པ་དང་། དྲི་ཞིམ་པོ་བྱུང་ན། དེ་ནས་རིག་པའི་ལྷ་འོངས་པར་ཤེས
151a6 པར་བྱའོ། །གལ་ཏེ་མ་འོངས་ན། བཅོམ་ལྡན་འདས་སྤྱན་དང་ལྷན་ཅིག་པ་ལ་སྔར་བཞིན་དུ་མཆོད་ཡོན་བཟུང་སྟེ་བརྒྱད་བརྒྱ་བཟླའོ། །འོང་བར་འགྱུར་རོ། །བྱོན་པ་དང་། དཀྱིལ
151a7 འཁོར་བཅིང་བ་དང་། ཕྱོགས་བཅིངས་ལ་གཏོར་མ་དང་། ལྷ་བཤོས་དབུལ་བར་བྱའོ། །དེ་ནས་མིག་སྨན་དང་། ལྡོང་རོས་ལ་སོགས་པ་རྣམས་བསྒྲུབ་པར་བྱའོ། །སྔོན
iiif viewer powered by OpenSeadragon
