| e-texts navigator |
| Wylie |
150b1 ནས་སྦྱིན་སྲེག་གི་ཆོ་ག་ནི། མངོན་སྤྱོད་ལ་སྟེགས་བུ་གྲུ་གསུམ་པ་བྱའོ། །རྒྱས་པ་ལ་གྲུ་བཞིའོ། །ཞི་བ་ལ་ཟླུམ་པའོ། །སྒྲུབ་པ་ཆེན་པོ་ལ་པདྨའི་རྣམ་པའོ། །དབང་དུ་བྱ་བ་ལ་ལྕགས
150b2 ཀྱུའི་རྣམ་པའོ། །རིག་པ་དང་ལྷན་ཅིག་ཏུ་དྲི་ཞིམ་པོའི་མེ་ཏོག་དང་། ཡམ་ཤིང་བསྲེག་པར་བྱའོ། །མངོན་སྤྱོད་ལ་དུར་ཁྲོད་ཀྱི་ཤིང་ལ་ཚ་བ་གསུམ་དང་། སྐྱེ་ཚེ་དང་། ཡུངས་ཀར
150b3 དང་། ལན་ཚྭ་དང་། ཐལ་བ་དང་ཁྲག་ལ་སོགས་པས་ཁྲོ་བོ་ལ་སྲེག་བླུགས་བྱའོ། །ཞི་བ་ལ་སྨན་གྱི་ལྗོན་པའི་ཡམ་ཤིང་གིས་སོ། །རྒྱས་པ་ལ་འོ་མ་ཅན་གྱི་ཡམ་ཤིང་གིས་སོ། །ཞི
150b4 བ་ལ་མེ་ཏོག་དང་དྲི་དཀར་པོས་སོ། །རྒྱས་པ་ལ་མེ་ཏོག་དང་དྲི་སེར་པོས་སོ། །མངོན་སྤྱོད་ལ་མེ་ཏོག་དང་དྲི་དམར་པོས་སོ། །དཀོན་མཆོག་གསུམ་ལ་ཕྱག་འཚལ་བ་དང་ལྡན་པའི
150b5 སྔགས་ཀྱིས་ཐུན་གསུམ་དུ་ལས་བྱའོ། །སྒྲུབ་པ་ཆེན་པོ་ལ་དཀོན་མཆོག་གསུམ་ལ་ཕྱག་འཚལ་བ་དང་ལྡན་པས་ལས་བྱའོ། །ཞི་བ་ལ་སྐྱིལ་ཀྲུང་གིས་སོ། །རྒྱས་པ་ལ་ཙོག་པུས་སོ།།
150b6 མངོན་སྤྱོད་ལ་རྐང་པས་རྐང་པ་མནན་པས་སོ། །ཟས་མི་ཟ་བར་སྲེག་བླུགས་བྱའོ། །སྒྲུབ་པ་ཆེན་པོ་དང་། ཞི་བ་ལ་ཧཱུཾ་གི་ཡི་གེ་བཟླའོ། །མངོན་སྤྱོད་ལ་ཕཊ་ཀྱི་ཡི་གེའོ། །ཞི་བ་ལ་སྲོད་ཀྱི་ཐུན
150b7 ལའོ|་|རྒྱས་པ་ལ་སྔ་དྲོའི་ཐུན་ལའོ། །མངོན་སྤྱོད་ལ་ཉི་མ་གུང་ངམ་ནམ་གུང་གི་དུས་སུ་ཁ་ལྷོར་བལྟས་ཏེ་ལས་བྱའོ། །སྒྲུབ་པ་ཆེན་པོ་དང་ཞི་བ་ལ་ཁ་ཤར་དུ་ཕྱོགས་པས་སོ། །
iiif viewer powered by OpenSeadragon
