| e-texts navigator |
| Wylie |
149a1 @#། །བགྱི|་ཇི་ལྟར་རིག་པ་སྒྲུབ་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཕྱག་ན་རྡོ་རྗེ་གསང་བ་པའི་བདག་པོས་རྡོ་རྗེ་ཁྲོ་བོ་ལ་འདི་སྐད་ཅེས
149a2 བཀའ་སྩལ་ཏོ། །རྡོ་རྗེ་ཁྲོ་བོ། ཁྱོད་ཀྱིས་སེམས་ཅན་ཐམས་ཅད་ལ་ཕན་པའི་ཕྱིར་རིག་པ་འཛིན་པ་འགྲུབ་པའི་རྒྱུ་དྲིས་པ་ལེགས་སོ་ལེགས་སོ། །རིག་པ་འཛིན་པས་ཇི་ལྟར
149a3 རིག་པ་སྒྲུབ་པ་རྡོ་རྗེ་ཁྲོ་བོ་ཉོན་ཅིག་། དེ་ལ་རེ་ཞིག་དང་པོར་རིག་པ་འཛིན་པས་བསླབ་པའི་གནས་ལྔ་ཡོངས་སུ་བཟུང་ལ་བྱང་ཆུབ་ཀྱི་སེམས་བསྐྱེད་དེ་བྱམས་པ་ཆེན་པོ་དང་།
149a4 སྙིང་རྗེ་ཆེན་པོ་དང་། དགའ་བ་ཆེན་པོ་དང་། བཏང་སྙོམས་ཆེན་པོ་ལ་གནས་པ་དེའི་རིག་པ་འཛིན་པའི་འདུལ་བ་ངས་བཤད་པར་བྱའོ། །དང་པོར་རེ་ཞིག་བཟླས་པའི་ཕྲེང་བ
149a5 ཡོངས་སུ་བཟུང་སྟེ་ནོར་བུ་དང་། བུས་འཚོ་བ་དང་། དྲག་པོའི་རིལ་བུ་དང་། ཙནྡན་དམར་པོ་དང་། རྡོ་རྗེའི་མིག་རྣམས་ལས་དྲག་པོའི་མིག་ཁྱད་པར་དུ་འཕགས་པས་དེ་བརྒྱུ
149a6 བའི་སྔགས་སུ་གྱུར་པ་ནི། ན་མོ་བཛྲ་པཱ་ཎ་ཡེ། ཨོཾ་ཀི་རི་ཀི་རི་རཽ་དྲི་ཎི་སྭཱ་ཧཱ། སྔགས་འདིས་ཕྲེང་བ་བརྒྱུ་བར་བྱའོ། །དེ་ནས་སློབ་དཔོན་ལས་གནང་པ་ནོད་དེ་སློབ་དཔོན་ལ
149a7 ཕུལ་དུ་བྱུང་བའི་ཡོན་ཕུལ་ལ་སྔགས་བཟླ་བར་བྱའོ། །དེ་ལྟ་བུའི་བྱ་བ་དང་ལྡན་པས་སྔགས་བསྒྲུབས་པས་ངེས་པར་འགྲུབ་པར་འགྱུར་རོ། །བགེགས་རྣམས་ཀྱིས་བར་དུ
iiif viewer powered by OpenSeadragon
