| e-texts navigator |
| Wylie |
11b1 ཆུ་བོ་དག་གིས་འཇིགས་པ་ལ། །མཛེ་ཅན་ཕོ་མོའི་ཐོད་པ་ནི། །ར་དང་ཁྱི་དང་ཕག་གི་ཁྲག་།ས་བདག་སྡེ་བརྒྱད་གཟུགས་དང་བཅས། །ནང་དུ་བཅུག་སྟེ་ཆུ་བོར
11b2 དོར|་|དོན་ཡོད་གྲུབ་པའི་སྐུ་རུ་གསལ། །ོཾ་ཨ་མོ་གྷ་སིདྡྷི། ཨོཾ་ཀ་བཻ་ཏཱ་ར་ཎི་ས་ར་ས་ར་ཀ་ར་ཀ་ར་སྭཱཧཱ། ཕྱག་སྟོང་སྤྱན་ཡང་དེ་བཞིན་ཏེ། །ཐུགས་རྗེ་ཆེན
11b3 པོའི་སྐུ་མཆོག་ནི། །སོ་སོར་གསལ་ཞིང་བསྒོམ་པར་བྱ། །སོ་སོའི་དབུ་ལ་སོ་སོར་བསམ། །བྱམས་པས་ཀུན་ལ་རབ་ཏུ་བལྟ། །འཇིགས་པ་ཀུན་ལས་གྲོལ
11b4 བར་འགྱུར། །འཇིགས་པ་ཀུན་སྲུང་བའི་ལེའུ་སྟེ་དྲུག་པའོ།། །།སྐུ་གདུང་མེ་ཏོག་དཀར་པོས་མཆོད། །ས་གཞི་དྲི་ཡིས་ཆག་ཆག་བཏབ། །སྙིང་པོ
11b5 གཟུངས་དང་བཅས་པའམ། །ཁྲུ་གང་ཚད་ཀྱི་མཆོད་རྟེན་ལ། །ལེགས་པར་མཆོད་ཅིང་བསྟོད་པར་བགྱི། །སྟོང་ཉིད་ཡེ་ཤེས་ལས་བྱུང་བའི། །ཐུགས་རྗེའི་གཟུགས
11b6 ཀྱི་རྟེན་དུ་ཤར། །རྫུ་འཕྲུལ་ཚད་མེད་བཞི་དང་ལྡན། །བྱང་ཆུབ་ཕྱོགས་རྣམས་ཡོངས་སུ་རྫོགས། །དྲི་མེད་དུང་འདྲ་དཀར་པོ་སྟེ། །རྒྱལ་ཆེན་བཞི་ཡང་དེ་བཞིན་ནོ། །
11b7 བྱང་ཆུབ་ཆེན་པོའི་མཆོད་རྟེན་ནི། །ཁྲི་འཕང་བཅུ་གསུམ་ཏོག་དང་ལྡན། །ལྷ་ཡི་རོལ་མོ་ཆར་དུ་འབབ། །ཆོས་སྒྲ་རྒྱུན་མི་འཆད་པའི་གཏེར། །རིན་ཆེན་ལྔ་ཡི་བདག
iiif viewer powered by OpenSeadragon
