| e-texts navigator |
| Wylie |
101b1 ཅད་ཡོངས་སུ་རྫོགས་པར་བྱེད་དོ། །ལྡོང་རོས་སམ་མིག་སྨན་ལ་ཡོངས་སུ་བཟླས་ཏེ་མིག་ལ་བསྐུས་ན། དེ་ནས་མི་སྣང་བར་འགྱུར་ཞིང་ནམ་མཁའ་ལ་འགྲོ་བར་འགྱུར་རོ། །ཡང་དག་པར་རྨོངས
101b2 པ་མེད་པའི་ཚོགས་ཞེས་བྱ་བའི་ཏིང་ངེ་འཛིན་རབ་ཏུ་འཐོབ་བོ། །སྒྲུབ་པ་པོ་གང་འདོད་པ་དེ་འདིས་བྱེད་དོ་ཞེས་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱང་ཆུབ་སེམས
101b3 དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། གཙང་མའི་རིས་ཀྱི་ལྷའི་བུ་དེ་དག་དང་། ལྷ་དང་། མི
101b4 དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་དོན་ཡོད་ཞགས་པའི་སྙིང་པོ་ཞེས་བྱ་བ་ཐེག་པ
101b5 ཆེན་པོའི་མདོ་རྫོགས་སོ། ། །།རྒྱ་གར་གྱི་མཁན་པོ་ཨ་མོ་གྷ་བཛྲ་དང་། བོད་ཀྱི་ལོཙྪ་བ་དགེ་སློང་རིན་ཆེན་གྲགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།དཔལ་ལྷ་མོ་སྒྲ་དབྱངས
101b6 ལ་བསྟོད་པ། ལམ་གང་གིས་ན་སངས་རྒྱས་འབྱུང་བ་དང་། །རྒྱལ་བ་སྲས་བཅས་ཆོས་ཀྱི་བླ་མར་གྱུར། །མཁྱེན་པའི་རིམ་པར་ས་རྣམས་བཀོད་པ་ཡི། །ཤེས་རབ་དཀྱིལ་འཁོར་མང་ལ
101b7 སྐྱབས་སུ་མཆི། །ཕྱག་འཚལ་དཔལ་ལྡན་ལྷ་མོ་དབྱངས་ཅན་མ། །འཇིག་རྟེན་ཁམས་འདིར་སྨྲ་ལ་དབང་བརྙེས་ཤིང་། །དྲང་སྲོང་རིག་གསུམ་རིག་པའི་ཕ་རོལ་གཤེགས། །དེ་ནི་སྤྱོད་པ་རྒྱ
iiif viewer powered by OpenSeadragon
