| e-texts navigator |
| Wylie |
221b1 ས་ངགས་ཀྱིས་བཏབ་པའི་ཟས་ཐོབ་ནས་སྔགས་ཀྱི་བྱིན་གྱིས་སོ་སོ་ནས་སྔོན་ཆད་ཅི་དང་ཅི་ལ་དགའ་ཞིང་མོས་བའི་དགེ་བའི་རྩ་བའི་བསོད་ནམས་སུ་ཡོངས་སུ་འགྱུར
221b2 བས། སོ་སོ་ནས་མཐུན་པར་དུས་གཅིག་ཏུ་དེ་ལ་ཚེ་རིང་བ་དང་། མདངས་དང་། སྟོབས་སུ་ལྡན་ཏེ་བདེ་ཞིང་སྐྱིད་པར་གྱུར་ཅིག་ཅེས་སྨོན་ལམ་འདེབས་སོ། །གཞན
221b3 ཡང་མི་དེ་སེམས་བསམ་པ་བཞིན་དུ་མཐོང་བ་དང་། ཐོས་པའི་སྒོ་ནས་ཡོངས་སུ་དག་ཅིང་། ཤེས་པ་མི་ནོར་བ་དག་ཚངས་པའི་ལྷའི་སྤྱོད་པ་མཆོག་དང་ལྡན
221b4 ཞིང་ཡོངས་སུ་རྫོགས་པར་འགྱུར། གཞན་ཡང་སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་ཁྲག་ཁྲིག་བརྒྱ་སྟོང་སྙེད་ལ་མཆོད་པ་བྱས་པའི་བསོད་ནམས
221b5 དང་འདྲ་སྟེ། ཕས་ཀྱི་རྒོལ་བ་ཐམས་ཅད་ཀྱིས་གནོད་པ་མི་ནུས་པར་འགྱུར་རོ། །གལ་ཏེ་དགེ་སློང་ཕའམ། དགེ་སློང་མའམ། དགེ་བསྙེན་ཕའམ། དགེ་བསྙེན
221b6 མ་གང་ཞིག་སངས་རྒྱས་དང་། ཆོས་དང་། དགེ་འདུན་ལ་མཆོད་པ་བྱེད་པར་འདོད་ན། སྤོས་དང་། མེ་ཏོག་དང་། ཞལ་ཟས་དམ་པ་ལ་གཟུངས་སྔགས་འདི
221b7 ལན་ཉི་ཤུ་རྩ་གཅིག་ཏུ་བཟླས་ཏེ་དཀོན་མཆོག་གསུམ་ལ་དབུལ་བར་བྱའོ། །དེ་ནས་རིགས་ཀྱི་བུ་ཕོ་དང་། རིགས་ཀྱི་བུ་མོ་དེས་ཕུལ་བའི་ཞལ་ཟས་དེ་ལྷ་རྫས་ཀྱི
iiif viewer powered by OpenSeadragon
