| e-texts navigator |
| Wylie |
220b1 པ་བཅོམ་ཞིང་གཟུགས་དང་མཚན་ཕུན་སུམ་ཚོགས་པར་འགྱུར་རོ། །དེ་བཞིན་གཤེགས་པ་སྐུ་འབྱམས་ཀླས་ལ་ཕྱག་འཚལ་ལོ། །དེ་བཞིན་གཤེགས་པ་སྐུ་འབྱམས
220b2 ཀླས་ཀྱི་མཚན་ནས་བརྗོད་པའི་བྱིན་གྱི་རླབས་ཀྱིས་ཡི་དྭགས་མང་པོའི་སྐོམ་པ་སྤངས་ཤིང་ཚིམ་པར་འགྱུར་ཏེ། སྦྱིན་པའི་གནས་ཡིད་བཞིན་དུ་ཟ་བ་དང་ཆོག་ཅིང
220b3 འགྲངས་པར་འགྱུར་རོ། །དེ་བཞིན་གཤེགས་པ་འཇིགས་པ་དང་བྲལ་བ་ལ་ཕྱག་འཚལ་ལོ། །དེ་བཞིན་གཤེགས་པ་འཇིགས་པ་དང་བྲལ་བའི་མཚན་ནས་བརྗོད
220b4 པའི་བྱིན་གྱི་རླབས་ཀྱིས་ཡི་དྭགས་མང་པོ་འཇིགས་པ་ཐམས་ཅད་དང་བྲལ་ཏེ་ཡི་དྭགས་ཀྱི་ཁམས་ཞི་བར་འགྱུར་རོ། །བཅོམ་ལྡན་འདས་ཀྱིས་དགའ་བོ་ལ་བཀའ
220b5 སྩལ་པ། རིགས་ཀྱི་བུ་ལ་སོགས་པས་དེ་བཞིན་གཤེགས་པའི་མཚན་ནས་བརྗོད་དེ་བྱིན་གྱིས་བརླབས་པའི་འོག་ཏུ་སེ་གོལ་ལན་གསུམ་བྱས་ཏེ་གཏོར་མའི་སྣོད
220b6 བླངས་ནས་ལག་པ་བརྐྱང་སྟེ་ས་གཙང་མར་བླུག་པར་བྱའོ། །དེ་ལྟར་གཏོར་མ་བྱིན་པར་བྱས་ན། ཕྱོགས་བཞི་ནས་ལྷགས་པའི་ཡི་དྭགས་གངྒཱའི་ཀླུང་གི་བྱེ་མ་ཁྲག
220b7 ཁྲིག་བརྒྱ་སྟོང་སྙེད་སོ་སོ་ནས་ཡུལ་དབུས་འགྱུར་ཚལ་གྱི་བྲེ་ཚད་མས་བཅལ་བའི་བྲེ་བདུན་བདུན་ཐོབ་པར་འགྱུར་རོ། །ཁ་ཟས་དེ་དག་ཡིད་དྭགས་ཀྱི་ཡིད་བཞིན་དུ་ཟ་བ
iiif viewer powered by OpenSeadragon
