| e-texts navigator |
| Wylie |
216b1 དང་། བྲམ་ཟེའི་དྲང་སྲོང་གྲངས་སུ་བགྲང་བ་མང་བ་དང་། ཆེས་མང་བའང་ངས་ཟས་དང་། སྐོམ་གྱིས་ཚིམ་པར་བྱས་ཏེ། དེ་དག་ཐམས་ཅད་ཡི་དྭགས་ཀྱི་འཇིག་རྟེན་ནས
216b2 ཤི་འཕོས་ནས་ལྷའི་འཇིག་རྟེན་དུ་སྐྱེས་སོ། །ཀུན་དགའ་བོ། ཁྱོད་ཀྱིས་ཟུངས་ལ་ངོ་ལོན་གྱིས་ཤིག་།ན་མཿསརྦ་ཏ་ཐཱ་ག་ཏ་ཨ་བ་ལོ་ཀི་ཏེ། ཨོཾ་སཾ་བྷ་ར་སཾ་བྷ་ར་ཧཱུཾ། ཀུན
216b3 དགའ་བོ། འདི་ཡི་དྭགས་ཀྱི་གཏོར་མ་ལ་ལན་བདུན་བཟླས་བརྗོད་བྱས་ནས་ལག་པ་བརྐྱང་སྟེ་དྲུང་དུ་སྦྱིན་པར་བྱའོ། །སེ་གོལ་ཡང་བརྡབ་པར་བྱའོ། །དེ་ལྟར
216b4 བྱས་ན། བྱིན་མ་ཐག་ཏུ་ཕྱོགས་བཞིའི་ཡི་དྭགས་གངྒཱའི་ཀླུང་གི་བྱེ་མ་ཁྲག་ཁྲིག་ཕྲག་འབུམ་ཕྲག་གི་བྱེ་མ་སྙེད་དག་ཚིམ་པར་བྱས་པར་འགྱུར་རོ། །ཡི་དྭགས་རེ་རེ
216b5 ལ་ཡང་ཡུལ་མ་ག་དྷའི་བྲེ་བོ་བདུན་བདུན་བྱིན་པར་འགྱུར་རོ། །དེ་དག་ཀྱང་ཟོས་པ་ཙམ་གྱིས་ཡི་དྭགས་ཀྱི་འཇིག་རྟེན་ནས་ཤི་འཕོས་ནས་ལྷ་རྣམས་ཀྱི་ནང་དུ་སྐྱེ
216b6 བར་འགྱུར་རོ། །ཀུན་དགའ་བོ། །ཁྱོད་ཀྱིས་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་ལ་རྟག་ཏུ་རྒྱུན་མི་འཆད་པར་ཁོར་ཟུག་ཏུ
216b7 བསྙད་པར་བྱའོ། །དེ་ལྟར་བྱས་ན། བསོད་ནམས་ཀྱི་ཕུང་པོ་དང་ལྡན་པར་འགྱུར་ཏེ། ཚེ་ཡང་རིང་བར་འགྱུར་རོ། །དེ་བཞིན་གཤེགས་པ་བྱེ་བ་ཕྲག་འབུམ་གྱི
iiif viewer powered by OpenSeadragon
