| e-texts navigator |
| Wylie |
189b1 བྱེད་རྟའི་རྒྱལ་པོ་ལ་འདི་སྐད་ཅེས་གསོལ་ཏོ། །ེ་མ་པདྨ་ཁྲོས་པའི་བདག་།ནག་པོ་ཆེན་པོ་དྲག་ཤུལ་ཅན། །གསང་བའི་སྒྲུབ་པ་བཤད་དུ་གསོལ། །མགོན་པོ་བསྒྲུབ
189b2 པར་བྱ་བ་གང་། །གསད་ཅིང་ལུས་སྲོག་དབྱེ་བ་དང་། །མ་གྲུབ་ཤི་ས་བསྟན་པ་དང་། །མགོན་པོའི་རྟགས་དང་སེར་བ་རྣམས། །རྟ་མཆོག་ཆེན་པོས་བདག་ལ་སྩོལ། །ཅེས
189b3 ཞུས་པས། དེ་ནས་པདྨ་ཁྲོས་པ་ཡིས། །ནག་པོའི་སྒྲུབ་ཐབས་ཆེད་དུ་བརྗོད། །དམ་ཚིག་ལྡན་པའི་སྔགས་པ་ཡིས། །སངས་རྒྱས་བསྟན་པ་བསྲུང་སླད་དུ། །གཟའ་སྐར
189b4 ཚེས་གྲངས་ཤིས་པ་ལ། །དུར་ཁྲོད་ལ་སོགས་ཤིང་གཅིག་ཏུ། །བསོད་ནམས་ཚོགས་ནི་བསགས་བྱས་ལ། །ནག་པོ་ཆེན་པོ་བསྒྲུབ་པར་བྱ། །ཕུང་སའམ་ས་ནག་དག་ལ
189b5 ནི། །སྟེགས་བུ་གྲུ་བཞི་བྱས་ནས་ནི། །དྲི་སྤོས་ཁྲག་གིས་ཆག་ཆག་བྱ། །དབུས་སུ་གྲུ་གསུམ་ཟླ་ཁམ་ལྡན། །ཕྱི་རོལ་པདྨ་འདབ་བརྒྱད་བྲི། །དེ་དབུས་ཐོད་ཆེན་ནང་དུ་ནི། །ཤ
189b6 ལྔ་སྙིང་སྣས་བརྒྱན་པ་ཡི། །གཏོར་མ་བཤོས་བུ་ཁྲུ་གང་ཚད། །དེ་ལ་མདའ་གཟུགས་དམར་ནག་དར། །གྲི་སྙིང་ཙ་ཀ་ལི་ཡང་གཟུགས། །དེ་ཉིད་མགོན་པོའི་རྟེན་དུ་གཞག།
189b7 ཌཱ་མ་རུ་ཡི་པགས་པའི་ནང་། །མགོན་པོའི་སྲོག་སྔགས་བྲི་བར་བྱ། །ལྡོ་ཡི་ནང་དུ་བླ་རྡོས་དྲིལ། །སྤོས་དང་རྒྱུན་གཏོར་གཏང་བར་བྱ། །དཀོན་མཆོག་སྤྱི་ལ་མཆོད་པ་བཤམ། །དེ་ནས་པདྨར་བདག་བསྒོམས
iiif viewer powered by OpenSeadragon
