| e-texts navigator |
| Wylie |
168b1 འཇིག་རྟེན་ཡིད་རངས་ཏེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཚོགས་ཀྱི་བདག་པོའི་སྙིང་པོ་རྫོགས་སོ།། །། @#། །རྒྱ
168b2 གར་སྐད་དུ། གྲ་ཧ་མཱ་ཏྲི་ཀ་ནཱ་མ་དྷ་ར་ཎཱི། བོད་སྐད་དུ། གཟའ་རྣམས་ཀྱི་ཡུམ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས
168b3 ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་འབྲོག་གནས་ཀྱི་གྲོང་ཁྱེར་ཆེན་པོ་ན་ལྷ་དང་། ཀླུ་དང་།
168b4 གནོད་སྦྱིན་དང་། སྲིན་པོ་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། བདུད་དང་། ཉི་མ་དང་།
168b5 ཟླ་བ་དང་། མིག་དམར་དང་། པ་བ་སངས་དང་། ཕུར་བུ་དང་། གཟའ་ལྷག་པ་དང་། སྤེན་པ་དང་། སྒྲ་གཅན་འཛིན་དང་། མཇུག་རིང་རྣམས་དང་། རྒྱུ
168b6 སྐར་ཉི་ཤུ་རྩ་བརྒྱད་ལ་སོགས་པ་མང་པོ་རྣམས་ཀྱིས་བསྟོད་པ། རྡོ་རྗེ་ཆེན་པོའི་དམ་ཚིག་གི་བྱིན་གྱི་རླབས་ཀྱིས་རྡོ་རྗེའི་ཁྲི་ལ་བཞུགས་སོ། །བྱང་ཆུབ་སེམས
168b7 དཔའ་དུ་མ་དང་ཡང་ཐབས་ཅིག་སྟེ། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་དང་། བྱང་ཆུབ་སེམས་དཔའ་སེམས་དཔའ་ཆེན
iiif viewer powered by OpenSeadragon
