| e-texts navigator |
| Wylie |
159b1 དེ་བཞིན་གཤེགས་པའི་མཚན་དང་པོ། །འབྱུང་བ་རླུང་གི་ཡི་གེ་ཡང་། །དབྱངས་ཡིག་བརྒྱད་པས་བརྒྱན་པ་ནི། དེ་ཡི་རྗེས་ལ་བྲི་བར་བྱ། །ཞི་བའི་ཡིག་འབྲུ
159b2 གཉིས་པ་ཡང་། །ཀུན་གྱི་མཐར་ནི་བརྗོད་པར་བྱ། །མཚན་གྱི་གསང་སྔགས་ཞེས་བྱ་བ། །འདོད་པ་ཐམས་ཅད་གྲུབ་བྱེད་ཡིན། །མཚན་གྱི་གསང་སྔགས
159b3 བསྟན་པའི་ལེའུ་སྟེ་བདུན་པའོ། ། །།དེ་ནས་གཞན་ཡང་བཤད་པར་བྱ། །སྐར་མ་རྒྱལ་གྱི་ཉིན་པར་ནི། །མེ་ཏོག་དཀར་པོའི་རྩ་བ་བླང་། །
159b4 ཙནྡན་དཀར་པོ་དག་ལས་ནི། །ཚོགས་ཀྱི་བདག་པོའི་སྐུ་གཟུགས་ནི། །མཐེ་བོང་གི་ནི་ཚད་ཙམ་བྱ། །གསུས་པ་ཆེ་ལ་ཕྱག་བཞི་པ། །མཁས་པས་བྱས་ཏེ
159b5 ལེགས་པར་བྱ། །རིན་པོ་ཆེ་ཡི་སྣོད་དུ་གཞུག་།དཀར་ཆེན་མངོན་པར་གསལ་བའི་ཚེ། །ནང་གི་ཆ་རིས་སྐུ་ཁྲུས་གསོལ། །གསལ་ཞིང་དྭངས་ལ་ཡིད་དུ
159b6 འོང་། །དྲི་དང་ལྡན་པའི་བུམ་པ་ཡིས། །མེ་ཏོག་དཀར་པོའི་དྲི་ཡིས་ནི། །འདག་ཆལ་ལྡན་པས་ཁྲུས་བྱའོ། །དེ་ནས་དེ་མ་ཐག་ཏུ་ནི། །དཀྱིལ་འཁོར་དབུས
159b7 སུ་སྤྱན་དྲངས་ལ། །མེ་ཏོག་དཀར་པོ་དབུལ་བར་བྱ། །ལ་ཕུག་ལ་དུར་བཅས་པ་ཡི། །གཏོར་མ་ཆེན་པོའང་དེ་ནས་དབུལ། །སྤོས་དང་དྲི་དང་མར་མེ་དང་། །ལྷ
iiif viewer powered by OpenSeadragon
