| e-texts navigator |
| Wylie |
158b1 འཁོར་གྱི་དབུས་སུ་བདག་ལ་ཞལ་ཕྱོགས་པར་བཞག་ལ། བདག་ཉིད་ལོག་འདྲེན་གྱི་གཟུགས་ཀྱིས་ཡང་དག་པར་མཆོད་དོ། །ཚོགས་ཀྱི་བདག་པོ་ཞལ་གཅིག
158b2 ཕྱག་བཞི་པ་སྒྲུབ་པའི་ལེའུ་སྟེ་བཞི་པའོ། ། །།དེ་ནས་དབང་ལྡན་གྱི་མཚམས་སུ་ཚོགས་ཀྱི་བདག་པོ་དཀར་པོ་གླང་པོ་ཆེའི་མགོ་ཅན། བྱི་བ་ལ
158b3 ཞོན་པ། མིག་གསུམ་པ། ཟླ་བ་ཕྱེད་པ་འཛིན་པ། གཡས་ན་ལ་ཕུག་དང་དགྲ་སྟ་འཛིན་པ། གཡོན་པ་ཏྲི་ཤཱུ་ལ་དང་ཐོད་པ་འཛིན་པ། ལག་པ་ཁུ་ཚུར
158b4 བཅངས་པའི་མཛུབ་མོ་དང་གུང་མོ་བརྐྱང་ལ་མཛུབ་མོ་བཀུག་ལ་གུང་མོའི་ཚིགས་སུ་གཟུང་བར་བྱ་བ་ནི། ཚོགས་ཀྱི་བདག་པོའི་ཕྱག་རྒྱའོ། །ཚོགས་ཀྱི་བདག
158b5 པོའི་ཕྱག་རྒྱ་བསྟན་པའི་ལེའུ་སྟེ་ལྔ་པའོ། ། །།དེ་ནས་གསང་སྔགས་བསྟན་པ་ནི། །ོཾ་ནི་དཔལ་ལྡན་མགོ་ལ་གཞག་།དེ་ནས་ཡིད་བཞིན་ནོར
158b6 བུ་ནི། །རིན་པོ་ཆེ་ཡི་ཡི་གེ་བྲི། །སྡེ་ཚན་གསལ་བྱེད་དང་པོ་ཡང་། །དེ་ཡི་རྗེས་སུ་བྲི་བར་བྱ། །དེ་བཞིན་གཤེགས་པའི་མཚན་དང་པོ། །དབྱངས་ཡིག་བརྒྱད
158b7 པས་མཛེས་པར་བྱ། །གསལ་བྱེད་དང་པོའི་ཡི་གེ་ཡང་། །བློ་ཡིས་བླངས་ཏེ་ཡིད་ཀྱིས་བྲི། །སྡེ་ཚན་གསུམ་པའི་གསུམ་པ་ལ། །དང་པོའི་བཞི་པ་སྦྱར་བར་བྱ། །
iiif viewer powered by OpenSeadragon
