| e-texts navigator |
| Wylie |
157b1 འཇིག་རྟེན་ཕན་མཛད་ལྷ་ཡི་ལྷ། །གང་གིས་མཆོད་པ་དངོས་གྲུབ་ཡིན། །ལྷ་ཆེན་ཚོགས་ཀྱི་བདག་པོའི་རྒྱུད་ལས། དངོས་གྲུབ་འབྱུང་བ་ཞེས་བྱ་བའི་ལེའུ་སྙེད
157b2 པོའོ། ། །།དེ་ནས་དབེན་པའི་གནས་སུ་ནི། །དཀྱིལ་འཁོར་གྲུ་བཞི་དག་བྱ་སྟེ། །བ་ཡི་ལྕི་བས་ལེགས་པར་བྱུགས། །འཇམ་ཞིང་མཉེན་ལ་དབུས
157b3 མཐོ་བའི། །དབུས་སུ་ཚོགས་བདག་སྐུ་གཟུགས་བཞུགས། །མེ་ཏོག་དཀར་པོས་དེ་ལ་གཏོར། །བདག་ཉིད་གཅེར་བུར་བྱུང་བྱས་ཏེ། །ལོག་འདྲེན་གཟུགས་ཀྱིས
157b4 ཡང་དག་མཆོད། །བ་ར་ཏ་ཀ་ཟླ་བ་དྲུག་།ཉིན་རེ་བཞིན་དུ་དུས་གསུམ་དུ། །གསང་སྔགས་བརྒྱ་ནི་རྩ་བརྒྱད་བཟླས། །ཡིད་ལ་རེ་བ་ཐམས་ཅད་རྫོགས། །བསམ་པ
157b5 ཐམས་ཅད་འགྲུབ་པར་འགྱུར། །ོཾ་ནི་བཀྲ་ཤིས་དཔལ་དང་ལྡན། །གསང་སྔགས་མགོ་ལ་གཞག་པར་བྱ། །ཡིད་བཞིན་ནོར་བུ་ལྟ་བུ་ཡི། །དངོས་གྲུབ་གཏེར
157b6 བྱེད་ཡི་གེ་ཡང་། །དེ་འོག་གྲལ་ལ་གཞག་པར་བྱ། །ཉི་མ་ལྟ་བུའི་ཡི་གེ་ཡང་། །དེ་ཡི་རྗེས་ལ་བཀླག་པར་བྱ། །དེ་བཞིན་གཤེགས་པའི་མཚན་དང་པོ། །ཡི་གེའི
157b7 མཆོག་ནི་བླང་བར་བྱ། །གསལ་བྱེད་ཡི་གེ་དང་པོ་ཡང་། །དེ་ཡི་མཇུག་ཏུ་བརྗོད་པར་བྱ། །རིན་ཆེན་ཡི་གེ་སྭཱ་ཞེས་བྱ། །ལས་ཀྱི་ཡི་གེ་ཧཱ་ཞེས་བྱ། །དངོས་གྲུབ་འདོད
iiif viewer powered by OpenSeadragon
