| e-texts navigator |
| Wylie |
475a1 ཚགས་ལེགས་པས་རྒྱ་མཚོར་ཞུགས་གྱུར་ན། །རིན་ཆེན་འདོད་པ་བཞིན་དུ་རྙེད་གྱུར་ནས། །རང་གི་གནས་སུ་ལེགས་པར་ཕྱིན་པ་ཡིན། །བྱམས་དང
475a2 སྙིང་རྗེ་དགའ་དང་བཏང་སྙོམས་རྟེན། །བྱང་ཆུབ་སེམས་ལྡན་དགེ་བ་སྤྱད་གྱུར་ན། །ཡང་དག་རྫོགས་ཀྱི་ལམ་ལ་ཞུགས་འགྱུར་ཏེ། །ངེས་པར་མཁྱེན་ཉིད་ས་ལ་འགྲོ་བར་འགྱུར། །མདའ
475a3 ཉིད་སྐྱེས་བུའི་འཐེབ་ནས་ཤོར་གྱུར་ན། །མི་འཕང་སྙམ་ཡང་ཤིན་ཏུ་འཕངས་པར་འགྱུར། །ཆོས་ཉིད་དོན་ཀུན་ཆུབ་པའི་གང་ཟག་ནི། །མི་ཕྱིན་སྙམ་ཡང་ཕ་རོལ་ཕྱིན་པར་འགྱུར། །བྱ
475a4 ཆའི་རྣམ་པ་རང་བཞིན་རྫོགས་གྱུར་ནས། །སངས་རྒྱས་འབྲས་བུ་འཐོབ་པར་ཐེ་ཚོམ་མེད། །ཆོས་ཉིད་རྣམ་པར་དག་པ་དེ་རྟོགས་ན། །བདག་མེད་སྲོག་མེད་སྲོག་ཀྱང་གཅད་དུ་མེད། །
475a5 ལས་མེད་དེ་ཡི་རྣམ་པར་སྨིན་པ་མེད། །མཐའ་རྣམས་རབ་སྤངས་སྐྱེས་བུ་རྣམ་པར་གྲོལ། །དེ་དོན་རྟོགས་ཕྱིར་བདག་གིས་བཤད་པ་ཡི། །སྙིང་པོ་འདི་ལ་གུས་པས་བཟླས་གྱུར་ན། །
475a6 བསྐལ་པ་གྲངས་མེད་གསུམ་གྱི་སྡིག་ཀྱང་འཛད། །ངན་སོང་གསུམ་དང་འཁོར་བའི་སྡུག་བསྔལ་ཀུན། །རབ་ཏུ་སྦྱོང་ཞིང་སྒྲིབ་པ་རྣམས་ཀྱང་འདག་།དོན་དང་ལྡན་པའི་སྙིང་པོ་འདི
475a7 ལྟ་སྟེ། །ོཾ་བྱང་ཆུབ་སེམས་དཔའ་སེམས་དཔའ་ཆེན་མོ། ལྷ་མོ་ཁྱོད་ཀྱིས་བསྐྱབ་ཏུ་གསོལ། །ོཾ་ན་མོ་ཨཱཪྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་སཏྭཱ་ཡ། མ་ཧཱ་སཏྭཱ་ཡ། མ་ཧཱ་ཀཱ་རུ་ཎི་ཀཱ
iiif viewer powered by OpenSeadragon
