| e-texts navigator |
| Wylie |
474a1 ལོ|་|འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རི་རབ་ཀྱི་སྟེང་ལྷོའི་གནས་ན་བཞུགས་ཏེ། དེ་ཉིད་དུ་འཁོར་རྣམས་ཀྱི་ནང་ནས་ལྷ་མོ་སྒྲོལ་མས་འདི་སྐད་ཅེས་སྨྲས
474a2 སོ|་|མཐོ་རིས་རིན་ཆེན་ལྟ་བུ་འདི་ཐོབ་ནས། །ལས་དང་ལས་ཀྱི་འབྲས་བུ་ཤེས་པར་བྱོས། །བཟང་པོ་སྟེན་ཅིང་ངན་པ་སྤང་བར་གྱིས། །གང་དག་སྡིག་པའི་ལས་རྣམས་སྤྱོད་བྱེད་པ། །
474a3 འཇིག་རྟེན་ཕ་རོལ་ཐུར་དུ་འབབ་འགྱུར་ཏེ། །དུད་འགྲོ་གླེན་ལྐུགས་གཅིག་ལ་གཅིག་ཟ་དང་། །གྱེན་ཐུར་འབབ་འཛེག་གཡང་ས་ངལ་བའི་ལམ། །འཇིགས་ཤིང་དངངས་སྐྲག
474a4 ཤིན་ཏུ་སྐྱི་གཡའ་བ། །ཟོན་དང་བཅས་པའི་སྡུག་བསྔལ་བསམ་མི་ཁྱབ། །ཡི་དྭགས་ལྟོགས་ཤིང་སྐོམ་དང་ལུས་མི་འཚམ། །བཟའ་བཏུང་སྣང་ཡང་གཞན་གྱིས་བསྲུངས་པ
474a5 དང་། །ཁ་ཅིག་ཟོས་ཀྱང་མེ་དང་མཚོན་དུ་འགྱུར། །ལྟོགས་ཤིང་སྐོམ་པའི་སྡུག་བསྔལ་བསམ་མི་ཁྱབ། །དམྱལ་བར་སྐྱེས་པའི་སེམས་ཅན་དེ་དག་ནི། །རང་དབང་མེད
474a6 པར་གཤིན་རྗེ་གདུག་པས་ཁྲིད། །བསྲེགས་ཤིང་བཙོས་ཏེ་མཚོན་གྱིས་རབ་ཏུ་འཐུག་།བསྲན་གླགས་མེད་པའི་སྡུག་བསྔལ་ཚ་དང་གྲང་། །དེས་ན་ཚེ་འདིར་སྡིག་པའི་ལས
474a7 བྱེད་པ། །རང་གིས་རང་ལ་མངན་ནི་ཆེར་བྱས་ཡིན། །བསྐལ་པ་མང་པོར་སྡུག་བསྔལ་དྲག་པོས་གདུངས། །ཐར་པའི་དུས་མེད་བསྲན་པའི་གླགས་ཀྱང་མེད། །དྲན་པ་གསལ
iiif viewer powered by OpenSeadragon
