| e-texts navigator |
| Wylie |
470b1 ལྷ་མ་ཡིན་དང་། ཀླུ་དང་། རླུང་ལྷ་དང་། ནམ་མཁའ་ལྡིང་དང་། དྲི་ཟ་དང་། མིའམ་ཅི་དང་། ལྟོ་འཕྱེ་ཆེན་པོ་དང་། གནོད་སྦྱིན་དང་། སྲིན་པོ་དང་། ཡི་དྭགས་དང་། ཤ་ཟ་དང་། གྲུལ
470b2 བུམ་དང་། སྲུལ་པོ་དང་། ལུས་སྲུལ་པོ་དང་། འབྱུང་པོ་དང་། རྗེད་བྱེད་དང་། སྨྱོ་བྱེད་དང་། གནོན་པོ་དང་། གྲིབ་གནོན་དང་། གཤེད་བྱེད་དང་། གནོད་བྱེད་དང་། བྱད་ཀྱིས་མི་ཚུགས།
470b3 དེ་ལ་མི་དང་། མི་མ་ཡིན་པ་རྣམས་ཀྱིས་མི་ཚུགས། དེ་ལ་རིག་པའི་ལས་དང་། ངག་གི་ལས་དང་། ཡིད་ཀྱི་ལས་ཀྱིས་མི་ཚུགས། དེ་ལ་རིམས་ཉིན་གཅིག་པ་དང་། ཉིན་གཉིས་པ
470b4 དང་|་ཉིན་གསུམ་པ་དང་། ཉིན་བཞི་པ་དང་། རྟག་པའི་རིམས་དང་། འབྱུང་པོའི་རིམས་དང་། ཡུད་ཙམ་དང་། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས
470b5 གྱུར་པ་དང་། འདུས་པ་ལས་གྱུར་པས་མི་ཚུགས་པར་འགྱུར་རོ། །དེ་ལ་གཟུངས་ཆེན་པོའི་གསང་སྔགས་ཀྱི་གཞི་ནི། འདི་རྣམས་ཡིན་ནོ། །ཏདྱ་ཐཱ། ཛྭ་ལེ། མཧཱ་ཛྭ་ལེ། ཛྭ་ལ་ནེ། མ་ཧཱ
470b6 ཛྭ་ལ་ནེ|་ཏཱ་པ་ནེ། མ་ཧཱ་ཏཱ་པ་ནེ། ཛྭ་ལི་ཏེ། ཨུཀྐེ། པུཀྐེ། སཾ་བྷ་དེ། མ་ཧཱ་སཾ་བྷ་དེ། ཙ་ཀྲེ། མ་ཧཱ་ཙ་ཀྲེ། བདག་དང་སེམས་ཅན་ཐམས་ཅད་འཇིགས་པ་ཐམས་ཅད་དང་། གནོད་པ
470b7 དང་། ནད་འགོ་བ་ཐམས་ཅད་ལས་སྲུངས་ཤིག་སྭཱཧཱ། ཀུན་དགའ་བོ། གཟུངས་ཆེན་པོའི་གསང་སྔགས་ཀྱི་གཞི་འདི་དག་ནི། ཡང་དག་པར་རྫོགས་པའི་སངས་རྒྱས་བྱེ་བ་ཕྲག
iiif viewer powered by OpenSeadragon
