| e-texts navigator |
| Wylie |
470a1 གཅིག་ཏུ་འདུག་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། །ཀུན་དགའ་བོ། ཁྱོད་ཀྱིས་སེམས་ཅན་ཐམས་ཅད
470a2 ཀྱི་དོན་དང་། ཕན་པ་དང་། བདེ་བ་དང་། སྟོབས་དང་། གཟི་བརྗིད་ཀྱི་ཕྱིར་གཟུངས་ཆེན་པོའི་གསང་སྔགས་ཀྱི་གཞི་འདི་དག་ཟུངས་ཤིག་།ཆོས་ཤིག་།ལོངས་ཤིག་།ལྷོགས
470a3 ཤིག་། ཀུན་ཆུབ་པར་གྱིས་ཤིག་།ཡིད་ལ་ཟུངས་ཤིག་།དེ་ཅིའི་ཕྱིར་ཞེ་ན། ཀུན་དགའ་བོ། གཟུངས་ཆེན་པོའི་གསང་སྔགས་ཀྱི་གཞི་རྣམས་ནི། རྙེད་པར་དཀའ་ཞིང་། དེ་བཞིན
470a4 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་འབྱུང་བ་ཡང་རྙེད་པར་དཀའ་བའི་ཕྱིར་ཏེ། དཔེར་ན། ཨུ་དུམ་ཝ་རའི་མེ་ཏོག་ལྟ
470a5 བུ་ཡིན་གྱི། ཟུངས་ཤིག་།ཆོངས་ཤིག་།ལོངས་ཤིག་།ལྷོགས་ཤིག་།ཡིད་ལ་ཟུངས་ཤིག་།ཀུན་ཆུབ་པར་གྱིས་ཤིག་།ཀུན་དགའ་བོ། དད་པའི་རིགས་ཀྱི་བུའམ། རིགས་ཀྱི
470a6 བུ་མོ་གང་ལ་ལ་གཟུངས་ཆེན་པོའི་གསང་སྔགས་ཀྱི་གཞི་འདི་འཆང་ངམ། འཛིན་ཏམ། ཀློག་གམ། ཡིད་ལ་འཛིན་ཏམ། ཀུན་ཆུབ་པར་བྱེད་ན། དེ་མཚོན་གྱིས་འཆི་བའི་དུས
470a7 བྱེད་པར་མི་འགྱུར། དུག་གིས་མ་ཡིན། མེས་མ་ཡིན། ཆུས་མ་ཡིན། རྒྱལ་པོའི་ཆད་པས་མ་ཡིན་ཏེ། དུས་མ་ཡིན་པར་འཆི་བའི་དུས་བྱེད་པར་མི་འགྱུར་རོ། །དེ་ལྷ་དང་།
iiif viewer powered by OpenSeadragon
