| e-texts navigator |
| Wylie |
465b1 འཆང་ཆེན་པོའི་འཁོར་ལོས་བསྒྱུར་བ་ཡང་ཐོབ་པར་འགྱུར་རོ། །གཟུངས་ཀྱང་ཐོབ་པར་འགྱུར་རོ། །དེ་བཞིན་གཤེགས་པ་རྣམས་ཀྱང་མཉེས་པར་བྱེད་དོ། །མངོན་པར་ཤེས་པ་མི
465b2 ཉམས་པ་ཡང་ཐོབ་པར་འགྱུར་རོ། །ཚེ་འདི་ལ་ཡང་སེམས་ཅན་ཐམས་ཅད་དགའ་བར་འགྱུར་རོ། །ལྷ་ཐམས་ཅད་ཀྱིས་ཀྱང་སྲུང་བར་འགྱུར་རོ། །ཀླུ་དང་། ལྷ་མ་ཡིན་དང་། ནམ
465b3 མཁའ་ལྡིང་དང་། མིའམ་ཅི་དང་། གནོད་སྦྱིན་དང་། སྲིན་པོ་ཐམས་ཅད་ཀྱིས་ཀྱང་སྲུང་བར་འགྱུར་ཏེ། གང་ལ་སྨྲས་པ་དེའི་བྱ་བ་སྒྲུབ་པར་འགྱུར་རོ། །དེས་ཅི་བསམ་པ་དང་། བྱེད
465b4 དུ་བཅུག་པ་རྣམས་ཀྱང་ལྷ་ལ་སོགས་པ་རྣམས་བྱེད་པར་འགྱུར་རོ། །དེའི་འདོད་པ་ཐམས་ཅད་ཀྱང་ཡོངས་སུ་རྫོགས་པར་འགྱུར་རོ། །སུས་ཀྱང་ངག་མི་གཅོག་པར་ཡང་འགྱུར
465b5 རོ|་|ལྷ་རྣམས་ཀྱིས་ཀྱང་དེའི་སྟོབས་དང་། གཟུགས་དང་། བསོད་ནམས་དང་། ལང་ཚོ་དང་། ནད་མེད་པ་དང་། རྒྱས་པ་འཕེལ་བར་བྱེད་དོ། །བགེགས་ཐམས་ཅད་ཀྱིས་ཀྱང་མི
465b6 ཚུགས་པར་འགྱུར་རོ། །མདོར་ན་དེ་བཞིན་གཤེགས་པའི་གྲོང་ཁྱེར་དུ་འཇུག་པར་འདོད་པ་རྣམས་དང་། དེ་བཞིན་གཤེགས་པའི་སངས་རྒྱས་ཀྱི་སྐུ་ཆེན་པོ་མཐོང་བར་འདོད
465b7 པ་རྣམས་དང་། ཡོན་ཏན་ཕུན་སུམ་ཚོགས་པ་ཐམས་ཅད་ཐོབ་བར་འདོད་པ་རྣམས་དང་། གཞན་ཡང་བྱང་ཆུབ་སེམས་དཔའ་ཆེན་པོའི་བསླབ་པའི་གར་ཐབས་བྱེད་པ་ལ
iiif viewer powered by OpenSeadragon
