| e-texts navigator |
| Wylie |
465a1 ཐམས་ཅད་ཡོངས་སུ་རྫོགས་པར་འགྱུར་ཏེ། དོན་ཇི་ལྟ་བ་བཞིན་དུ་འགྲུབ་པ་ཐོབ་པར་འགྱུར་རོ། །ཚེས་བརྒྱད་དང་། བཅུ་བཞི་དང་། བཅོ་ལྔ་ལ་བཅོམ་ལྡན
465a2 འ་དས་ལ་མཆོད་པ་བྱས་ལ་བསྙེན་གནས་བླངས་ཏེ་གོས་དཀར་པོ་བགོས་ཏེ་སྦྱིན་པ་བྱས་ལ་བྱང་ཆུབ་ཀྱི་སེམས་ཆེན་པོ་བླངས་ནས་མི་སྡུག་པ་མེད་པར་ལག་པ་བརྐྱང་བ
465a3 དེས་རང་གི་ལག་གིས་དཀྱིལ་འཁོར་བྱུགས་ལ་མེ་ཏོག་ཁ་དོག་སྣ་གསུམ་གྱིས་མཆོད་ནས་ཙནྡན་དཀར་པོས་བདུགས་ལ། འཇིག་རྟེན་གྱི་ཁམས་སྟོང་ཕྲག་མཐའ་ཡས་པ
465a4 དག་ན་མཆོད་པ་དང་བཀུར་སྟི་ཆེན་པོ་རྣམ་པ་སྣ་ཚོགས་ཡོད་པ། དེ་བཞིན་གཤེགས་པ་རྣམས་ལ་འོས་པ་རྣམས་ཡིད་ལ་བསམས་ཏེ་སངས་རྒྱས་དང་། བྱང་ཆུབ་སེམས
465a5 དཔའ་ཐམས་ཅད་ལ་ཕུལ་ནས་དེ་བཞིན་གཤེགས་པའི་སྙིང་པོ་སྟོང་ཆེན་པོ་འབར་བ་འདི་ནམ་དགའ་བ་ཆེན་པོ་སྐྱེས་པའི་བར་དུ་བརྗོད་ན། བདག་ཉིད་དེ་བཞིན་གཤེགས
465a6 པ་རྣམས་ཀྱི་དྲུང་དུ་འདུག་པར་ཤེས་ཤིང་། དེ་བཞིན་གཤེགས་པ་རྣམས་ཀྱི་ཟང་ཟིང་མེད་པའི་ཆོས་ཀྱི་ལོངས་སྤྱོད་ཆེན་པོའི་དགའ་བ་ཐོབ་པར་འགྱུར་ཏེ། དེ་ཕྱིན་ཆད
465a7 དེ་བཞིན་གཤེགས་པའི་རིགས་སུ་ཕྱིར་མི་ལྡོག་པར་སྐྱེས་པ་ཡིན་ནོ། །ཚེ་རབས་གཞན་དུ་སོང་ན་ཡང་བྱང་ཆུབ་སེམས་དཔའི་ས་ཆེན་པོ་ཐོབ་པར་འགྱུར་རོ། །རིག་སྔགས
iiif viewer powered by OpenSeadragon
