| e-texts navigator |
| Wylie |
334a1 པ་རྨད་དུ་བྱུང་བའི་མཆོག་། མདོར་ནི་རབ་ཏུ་བཤད་པར་བྱ། །དེ་ལ་འདི་ཡི་དཀྱིལ་འཁོར་ནི། །དངོས་གྲུབ་ཐམས་ཅད་སྦྱིན་མཛད་པའི། །འཇིག
334a2 རྟེན་གསུམ་པོ་འཁྲུགས་པར་མཛད། །ཡི་དྭགས་མང་པོ་ཞེས་བྱའོ། །ཐམས་ཅད་དུ་ནི་དཀྱིལ་འཁོར་འདི། །གནས་ནི་གང་དུ་འགྲུབ་པར་འགྱུར། །སྔགས་པས་ཐོག་མ
334a3 ཉིད་དུ་ནི། །དེ་ཡི་གནས་ནི་བརྟག་པར་བྱ། །ཤིང་གཅིག་པ་འམ་དུར་ཁྲོད་དང་། །ཁྱིམ་སྟོང་དང་ནི་བཞི་མདོ་དང་། །མཆོད་རྟེན་དང་ནི་མུ་གཉིས་དང་། །ཐིབས་པོ་སྟོང་པ
334a4 ལམ་སྲང་རྙིང་། །སྐྱེད་མོས་ཚལ་དང་རི་ཡི་རྩེ། །ཆུ་ཡི་འགྲམ་དང་ནགས་ཚལ་དང་། །ཡང་ན་མཚོ་ཡི་འགྲམ་དང་ནི། །ལྷ་ཆེན་གྱི་ནི་གནས་ཀྱང་རུང་། །བ་ལང་ལྷས་སམ
334a5 གཡུལ་གྱིས། །ཁྱད་པར་དུ་ནི་ཡུལ་གཙང་བར། །གང་དུ་ཡིད་ནི་དགའ་བར་ཡང་། །དེར་ནི་དཀྱིལ་འཁོར་རབ་ཏུ་བྱ། །དེ་ནས་རིག་འཛིན་ནན་ཏན་གྱིས། །ས་ནི་ཡང་དག
334a6 སྦྱང་བྱ་སྟེ། །བ་ཚྭ་མེད་ཅིང་མ་གས་པ། །མཉམ་ཞིང་ཟུག་རྔུ་མེད་པ་ལ། །ཤར་དང་བྱང་ནི་མཐོ་བ་དང་། །ཁ་དོག་སྣུམ་བ་ལྷག་པར་བཟང་། །བ་ལས་བྱུང་བ་རྣམ་ལྔ་དང་།།
334a7 ལྡན་པ་ཡི་ནི་ལྕི་བས་བྱུག་།ཅི་རིགས་པར་ནི་བྱུགས་ནས་ཀྱང་། །སློབ་དཔོན་གྱིས་ནི་ཁྲུས་བྱས་ནས། །སྨྱུང་བ་བྱས་ཏེ་མཉམ་བཞག་ནས། །ཁྲོ་བོའི་སྲུང་བས་བྱིན་གྱིས
iiif viewer powered by OpenSeadragon
