| e-texts navigator |
| Wylie |
333b1 གཤེད་པོ་བདག་ཉིད་ཀྱི། །སྙིང་པོ་རབ་ཏུ་གསུངས་པ་ན། །དེ་ནས་ས་ནི་གཡོས་པར་འགྱུར། །རྒྱ་མཚོ་ཡང་ནི་རབ་ཏུ་འཁྲུགས། །གནོད་སྦྱིན་དང་ནི་སྲིན་པོ་དང་། །ཤ་ཟ་ལ་སོགས
333b2 ཕུང་བར་འགྱུར། །ལྷ་རྣམས་ཀུན་ནི་ཕྱག་འཚལ་ཞིང་། །ཡན་ལག་ཀུན་ནས་སྦུ་ལངས་ནས། །གཤིན་རྗེའི་གཤེད་པོ་ཁྲོ་བོ་ཡི། །ཁྲོ་བོ་སྙིང་པོ་དེ་གཟུང་ངོ་། །དེ་ནས་དམ་ཆོས
333b3 བསྲུང་བའི་ཕྱིར། །ཁྲོ་བོ་རྣམ་པར་རྒྱལ་བ་ཡི། །རྟོག་པ་འདི་ནི་དེ་དག་ལ། །གཤིན་རྗེའི་གཤེད་ཀྱིས་རྒྱས་པར་གསུངས། །དེ་ནས་ཁྲོ་བོ་རྣམ་རྒྱལ་གྱིས། །རྟོག་པ་ཁྲོ་བོ་ཉིད་ཀྱིས
333b4 གསུངས། །སྙིང་རྗེ་བྱང་ཆུབ་སེམས་ལྡན་པའི། །ལྷ་རྣམས་ཀྱིས་ཐོས་དགའ་གྱུར་ནས། །དཀོན་མཆོག་གསུམ་ནི་བསྲུང་བའི་ཕྱིར། །སོ་སོ་ཡི་ནི་རྟོག་པ་བཤད། །དེ་དག་གི་ནི་རྩ
333b5 བའི་རྒྱུད། །ཁྲོ་བོ་ཉིད་ཀྱིས་རབ་གསུངས་པ། །ཁྲོ་བོ་རྣམ་རྒྱལ་ཞེས་བྱ་འདི། །འཇིག་རྟེན་འདས་དང་འཇིག་རྟེན་པས། །སྔོན་ནས་ཕྱག་བྱས་ཁྲོ་བོ་ཡི། །ཞལ་ནས་ཇི་བཞིན་ཐོས
333b6 ནས་ཀྱང་། །ཁྲོ་བོ་ཉིད་ཀྱིས་གསུངས་པ་ཡི། །རྒྱུད་འདི་བྱང་ཆུབ་སེམས་རྣམས་ཀྱིས། །སྙིང་རྗེས་དེ་བཞིན་རྒྱས་པ་དང་། །རྣམ་པ་མང་པོར་བྱིན་གྱིས་བརླབས། །འཇམ་དཔལ་གྱི
333b7 རྩ་བའི་རྟོག་པ་ཁྲོ་བོ་རྣམ་པར་རྒྱལ་བ་ལས། རྒྱུད་འབྱུང་བ་ཞེས་བྱ་བའི་སྐབས་ཏེ་དང་པོའོ།། །།དེ་ནས་ཁྲོ་བོ་རྣམ་པར་རྒྱལ། །འཇམ་དཔལ་ཁྲོ་བོས་བཤད་པ་ཡི། །རྟག
iiif viewer powered by OpenSeadragon
