| e-texts navigator |
| Wylie |
290a1 བསགས་པ་ཐམས་ཅད་ཟད་པར་འགྱུར་རོ། །སངས་རྒྱས་སྟོང་གི་དགེ་བའི་རྩ་བ་བསགས་པ་ཐོབ་པར་འགྱུར་རོ། །བསྐལ་བ་སྟོང་གི་བར་དུ་འཁོར་བ་ལ
290a2 རྒྱབ་ཀྱིས་ཕྱོགས་པར་འགྱུར་རོ། །ཚེ་བརྗེས་ནས་འཁོར་ལོས་བསྒྱུར་བའི་རྒྱལ་སྲིད་ཐོབ་པར་འགྱུར་རོ། །འཆི་བའི་དུས་ཀྱི་ཚེ་སངས་རྒྱས་སྟོང་མཐོང་བར་འགྱུར་རོ། །སངས་རྒྱས་ཀྱི་ཞིང
290a3 དག་པ་དག་ཏུ་སྐྱེ་བར་འགྱུར་རོ། །ཉིན་དུས་གསུམ་མཚན་དུས་གསུམ་ཉི་ཤུ་རྩ་རེ་རེ་བརྗོད་ན། ཅི་འདོད་པ་རྨི་ལམ་དུ་མཐོང་བར་འགྱུར་རོ། །དེ་བཞིན་གཤེགས་པའི་སྐུ་གསེར་གྱི
290a4 མདོག་ཅན་ཡང་མཐོང་བར་འགྱུར་རོ། །སངས་རྒྱས་དང་བྱང་ཆུབ་སེམས་དཔའི་ཡུལ་རྣམས་ལ་ཡང་མི་ཕྱེད་པའི་སེམས་དད་པ་ཅན་དུ་འགྱུར་ཏེ། དེ་ལ་སོགས་པ་ཕན་ཡོན
290a5 ཚད་མེད་པ་དགའ་བྱུང་ངོ་། །སྟོང་འགྱུར་ཞེས་བྱ་བའི་གཟུངས་རྫོགས་སོ།། །།རྒྱ་གར་སྐད་དུ། ཨ་མྲྀ་ཏ་བྷ་བ་ནཱ་མ་དྷཱ་ར་ཎཱི། བོད་སྐད་དུ། བདུད
290a6 རྩི་འབྱུང་བ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན
290a7 འདས་རྒྱལ་པོའི་ཁབ་བྱང་ཆུབ་ཀྱི་ཤིང་དྲུང་ན། འཁོར་རྣམ་བཞི་དང་། ལྷ་དང་། མི་རྣམས་ཀྱིས་བསྐོར་ནས་བཞུགས་སོ། །དེ་ནས་འཁོར་རྣམས་ཀྱི་ནང་ནས་ཁྱིམ་བདག་བཟང
iiif viewer powered by OpenSeadragon
